16.09.2026 | 12:47
Իշխան Սաղաթելյանի ճեպազրույցը՝ ՈՒՂԻՂ
Մեկ օրում Ուկրաինայի քաղաքներին 20-ից ավելի ավիացիոն և հրթիռային հարվածներ են հասցվել
Քաղաքականություն
27.10.2022 | 13:30
Անցած մեկ օրվա ընթացքում ռուսական զորքերը 18 ավիացոն ու 4 հրթիռային հարվածներ են հասցրել ուկրաինական քաղաքներին, ինչպես նաև 56 կրակոց են արձակել համազարկային կրակի կայանքներից։ Այս մասին հայտնել է Ուկրաինայի Գլխավոր շտաբը։
«Թշնամական հարվածներ են հասցվել Կուպյանսկ, Դրուժկովկա ու Զապորոժիե քաղաքներին»,- ասված է գերատեսչության տարածած հայտարարության մեջ։
Անցած գիշեր հաղորդվել է նաև Կիևի մարզի շրջաններից մեկին հասցված հարվածների մասին, ինչի հետևանքով հրդեհ է բռնկվել։
«Հարված է հասցվել մարզի համայնքներից մեկին։ Դեպքի վայրում աշխատում են հրշեջներ ու արտակարգ իրավիճակների ծառայության աշխատակիցներ։ Շարունակվում է հրդեհի ու հարվածների հետևանքների չեզոքացումը։ Նախնական տեղեկություններով՝ զոհեր ու վիրավորներ չկան»,- Telegram-ալիքում հայտնել է մարզային վարչակազմի ղեկավար Ալեքսեյ Կուլեբան։
Հաղորդվել է, որ Ուկրաինայի հակաօդային պաշտպանության համակարգերը խոցել են հրթիռների մի մասը։
Տաթև Ֆռանգյան
