08.06.2026 | 01:19
ՔՊ-ն առաջատար է 2/11 տեղամասում, երկրորդը՝ «Ուժեղ Հայաստանն» է
Հնդկաստանի և Ռուսաստանի պաշտպանության նախարարները քննարկել են Ուկրաինայում տիրող իրավիճակը
Քաղաքականություն
27.10.2022 | 15:05
Press Trust of India լրատվական գործակալությունը հայտնել է, որ ռուսական կողմի նախաձեռնությամբ հեռախոսազրույց է տեղի ունեցել Հնդկաստանի և Ռուսաստանի պաշտպանության նախարարների միջև։ Ըստ Հնդկաստանի պաշտպանության նախարարության տարածած հաղորդագրության՝ Սերգեյ Շոյգուն Ռաջնաթ Սինգհին տեղեկացրել է Ուկրաինայում տեղի ունեցող իրադարձությունների մասին, այդ թվում կիսվել՝ «կեղտոտ ռումբի» օգտագործման վերաբերյալ մտահոգություններով, գրում է VOA-ն։
«Ես կրկնել եմ Հնդկաստանի դիրքորոշումը երկխոսության և դիվանագիտության ճանապարհով գնալու անհրաժեշտության վերաբերյալ՝ հակամարտությունը որքան հնարավոր է շուտ կարգավորելու համար», – թվիթերում գրել է Ռաջնաթ Սինգհը Շոյգուի հետ հեռախոսազրույցից հետո:
«Կողմերից ոչ մեկը չպետք է դիմի միջուկային տարբերակին, քանի որ միջուկային կամ ճառագայթային զենքի կիրառման հեռանկարները հակասում են մարդկության հիմնարար սկզբունքներին»,- հավելել է նա։
Տաթև Ֆռանգյան
