07.10.2026 | 20:38
Միկել Արտետան նոր պայմանագիր է կնքել «Արսենալի» հետ
Սուրեն Պապիկյանի առաջարկը․ 5 տարի ծառայություն և 5 մլն դրամ
Հասարակություն
26.10.2022 | 23:06
Պապիկյանի առաջարկը․5 տարի ծառայություն և 5 մլն դրամ
ՀՀ կառավարությունն առաջարկում է փոփոխություններ կատարել «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» ՀՀ օրենքում, որն առնչվում է Պաշտպանության նախարարության կողմից նշված ծառայության վայրում և պայմաններով շարքային կազմի պարտադիր զինվորական ծառայությանը։
Գործող կարգավորմամբ նախատեսվում է 36-ամսյա ժամկետով շարքային կազմի պարտադիր զինվորական ծառայության անցում՝ նախարարության հետ քաղաքացիաիրավական բնույթի պայմանագիր կնքելու միջոցով, ինչպես նաև ամսական 35.000-45.000 դրամական բավարարում, ամսական 7 օրացուցային օր ժամկետով արձակուրդի տրամադրում և ծառայության ժամկետի ավարտով կամ առողջական վիճակի պատճառով վաղաժամկետ զորացրվելու դեպքերում պատվովճարի հատկացում՝ 5 մլն դրամ։
Սուրեն Պապիկյանի ներկայացրած նախագծում նշվում է, որ այս պայմաններով ընդամենը երկու քաղաքացի է ցանկացել անցնել պարտադիր զինծառայությունը, ինչը չի բավարարել ակնկալվող արդյունքերը, իսկ 2021-22 թթ․ զորակոչի ժամանակ որևէ մեկը չի ցանկացել այս ընթացակարգով ծառայել՝ նախընտրելով 24-ամսյա ծառայությունը։
Այժմ պաշտպանական գերատեսչությունը նոր նախագծով ցանկանում է օրենքում փոփոխություններ կատարել։ Առաջարկվում է ծառայության ժամկետը սահմանել հինգ տարի, որի լրանալուց հետո զինծառայողը կարող է շարունակել ծառայել որպես սպա կամ հրաժարվել ծառայությունից։ Երկու դեպքում էլ կստանա 5 մլն դրամ պատվովճար, ինչպես նաև, եթե ծառայության ընթացքում առողջական խնդիրների պատճառով ժամկետից շուտ զորացրվի, կրկին այդ գումարը կտարամադրվի զինծառայողին։
