30.03.2026 | 20:33
Ինչից ծագեց եկեղեցու միջադեպը․ 3 քաղաքացի ձերբակալվել է, հարուցվել է քրեական գործ. ՏԵՍԱՆՅՈՒԹ
Մարուքյանը Կասպրչիկին է ներկայացրել սեպտեմբերի 13-ին ՀՀ նկատմամբ Ադրբեջանի սանձազերծած ագրեսիայի հետևանքները
Քաղաքականություն
25.10.2022 | 19:51
Հոկտեմբերի 25-ին տեղի է ունեցել հատուկ հանձնարարություններով դեսպան Էդմոն Մարուքյանի հանդիպումը ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ։ Այս մասին տեղեկանում ենք ՀՀ ԱԳՆ-ից։
Հանդիպման ընթացքում զրուցակիցներն անդրադարձ են կատարել տարածաշրջանային անվտանգության և խաղաղության հարցերին: Այս համատեքստում Էդմոն Մարուքյանը Անջեյ Կասպրչիկին է ներկայացրել սեպտեմբերի 13-ին Հայաստանի Հանրապետության ինքնիշխան տարածքի նկատմամբ Ադրբեջանի կողմից սանձազերծված վերջին ագրեսիայի հետևանքները։
Հատուկ հանձնարարություններով դեսպանը առանձնահատուկ կարևորել է միջազգային հանրության հասցեական արձագանքը Հայաստանի ինքնիշխանության և տարածքային ամբողջականության դեմ ադրբեջանական ոտնձգությունների դատապարտման ուղղությամբ, ինչպես նաև՝ ԵԱՀԿ դերակատարությունը հետագա ագրեսիաների կանխման և հակամարտությունների կարգավորման հարցերում։
