Արգելվել է Զատուլինի մուտքը Հայաստան․ Բաքվում սպառնում են խզել կապերը Փարիզի հետ․ Լուրեր

• ԱԺ ընդդիմադիր Հայաստան խմբակցության ղեկավար Սեյրան Օհանյանն այսօր անդրադարձել է հակառուսական տրամադրություններին և նշել է, որ ՀՀ-ն երկար պատմական, ռազվամարական գործունեություն է ծավալել ՌԴ-ի հետ՝ ՀԱՊԿ կազմում։ ՀԱՊԿ անգործության մասին հարցին էլ Օհանյանը պատասխանել է, որ ՀԱՊԿ-ի ոչ մի երկիր չի գալու Հայաստանի համար խրամատ փորի ու մեր սահմանները պաշտպանի։ Միաժամանակ Օհանյանն ասել է՝ չգիտի Երևանը ՀԱՊԿ-ին դիմել է, թե ոչ
• Ռուսաստանի Պետդումայի ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինի մուտքը Հայաստան արգելվել է: ՀՀ Ազգային ժողովի ղեկավարության անունից գրություն է ուղարկվել Զատուլինին, որում նշվում է, որ Հայաստանի Հանրապետության հասցեին նրա վերջին հրապարակային հայտարարությունները վնասում են երկու պետությունների միջև բարեկամական և դաշնակցային հարաբերությունների զարգացմանը։
• Բաքվում առաջարկել են խզել Ֆրանսիայի հետ մշակութային, քաղաքական և տնտեսական կապերը։ Ադրբեջանում պետական քարոզչական լրատվամիջոցները փորձագետներն ու պատգամավորները շարունակում են հակաֆրանսիական տրամադրություններ գեներացնել ու մտահոգությամբ սպասել Ֆրանսիայի Սենատում նոյեմբերի կեսին ՀՀ-ի դեմ Բաքվի ագրեսիան դատապարտող բանաձևի քննարկմանը։ Ադրբեջանական կողմի համաձայն՝ բանաձևի նախագծով նախատեսվում է Բաքվի դեմ նաև տնտեսական պատժամիջոցներ կիրառել ու մեծացնել Հայաստանի պաշտպանունակությունը։

Այս ժամի լուրերը՝ տեսանյութում։