21.04.2026 | 16:23
Դատապարտում եմ վարորդների նկատմամբ բռնության դեպքերը. Իզաբելլա Աբգարյան․ ՏԵՍԱՆՅՈՒԹ
Օրվա իշխանությունը պատրաստվում է ռուս խաղաղապահներին դուրս բերել Արցախից․ Թևանյան․ ՏԵՍԱՆՅՈՒԹ
Քաղաքականություն
25.10.2022 | 17:27
«Օրվա իշխանությունը Հայաստանը ներքաշել են աշխարհաքաղաքական մեծ արկածախնդրության մեջ, կանգնեցրել պատերազմի առաջ, մինչդեռ մեզ անհրաժեշտ է խաղաղության»,- ԱԺ հերթական նիստում այսօր հայտարարեց «Հայաստան» խմբակցության պատգամավոր Անդրանիկ Թևանյանը։
«Երևանը կարող է Դոնբասի կամ Հալեպի օրն ընկնել։ Հիմա սրանք ասում են, թե ՀՀ-ում խաղաղություն կլինի միայն Արցախն Ադրբեջանին հանձնելու գնով։ Սա Հայաստանի ոչնչացման ծրագիր է, քանզի Արցախից հետո գալու է Սյունիքի, Սևանի, ապա՝ Երևանի հարցը։
ՀՀ-ի ոչնչացման ծրագրի մաս է կազմում նաև ՌԴ-ի և Արևմուտքի միջև կռվախնձոր դառնալը։ Արևմուտքի հովանու ներքո համաձայնելով Արցախն Ադրբեջանին հանձնելուն՝ օրվա իշխանությունը պատրաստվում է Արցախից դուրս բերել ռուս խաղաղապահներին, և ռուսական ռազմաբազան Հայաստանից։ Դրանից հետո թուրքական զորքի մուտքը ՀՀ կդառնա տեխնիկայի հարց։
Հարգելի՛ քաղաքացիներ, դուք պատրա՞ստ եք այդ սցենարին՝ հանուն մեկ մարդու շահերի բավարարման:
Պատկերացնո՞ւմ եք՝ ի՞նչ կմնա ՀՀ-ից, եթե այստեղ սուր ձևով բախվեն Արևմուտքի, ՌԴ-ի, Իրանի, Թուրքիայի, Ադրբեջանի, Իսրայելի շահերը, և մեկը մյուսին փորձի դուրս մղել տարածաշրջանից՝ հայերին թնդանոթի միս սարքելու միջոցով»։
Մանրամասները՝ տեսանյութում։
