31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Տարածաշրջանում ամենացածր տարեկան գնաճը Հայաստանում է. Վրաստանը երկրորդն է
Քաղաքականություն
24.10.2022 | 22:53
Վրաստանի ազգային վիճակագրական ծառայության (Geostat) տվյալներով, Վրաստանում 2022 թվականի սեպտեմբերին բարձր գնաճ է նկատվել։ Այս մասին գրում է Aliq Media-ն։
Վիճակագրության համաձայն՝ 2022 թվականի սեպտեմբերին երկրում տարեկան գնաճը կազմել է 11,5 տոկոս, մինչդեռ օգոստոսին այդ ցուցանիշը կազմել է 10,9 տոկոս։
Հարևան Թուրքիայում 2022 թվականի սեպտեմբերին տարեկան գնաճը կազմել է 83,5 տոկոս:
Ադրբեջանում սեպտեմբերին գնաճի ընդհանուր մակարդակը բնութագրվում է աճի միտումով. երկրում տարեկան գնաճը սեպտեմբերին կազմել է 15,6 տոկոս:
Գնաճը բարձր է նաև Ռուսաստանում, որտեղ սեպտեմբերին տարեկան գնաճի մակարդակը կազմել է 13,7 տոկոս:
Հայաստանում տարեկան գնաճը սեպտեմբերին կազմել է 9,9 տոկոս։ Ի դեպ, տարածաշրջանում ամենացածր գնաճը Հայաստանում է, իսկ Վրաստանը Հայաստանից հետո գնաճի տեմպով երկրորդ տեղում է։
