15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Գերմանիայի ՊՆ-ն մտահոգված է «կեղտոտ ռումբի» կիրառման մասին ՌԴ-ի հայտարարությունների կապակցությամբ
Քաղաքականություն
24.10.2022 | 21:59
Գերմանիայի պաշտպանության նախարար Քրիստին Լամբրեխտը խորը մտահոգություն է հայտնել Ռուսասատանի՝ Ուկրաինայում «կեղտոտ ռումբի» կիրառման մասին հայտարարությունների կապակցությամբ, գրում է DW-ի ռուսական ծառայությունը։
Նա նշել է, որ Արևմուտքը պետք է հստակ հասկացնի, որ նման միջուկային զենքի ցանկացած կիրառում կդառնա «կարմիր գծի» խախտում։
«Նման բան չպետք է տեղի ունենա։ Մենք նախկինի պես աջակցում ենք Ուկրաինային»,- ասել է նա՝ նշելով, որ նման սպառնալիքները որևէ կերպ չեն ազդում Գերմանիայի կողմից Ուկրաինային տրվող աջակցության վրա։
Հավելենք, որ նախօրեին ՌԴ ՊՆ ղեկավար Սերգեյ Շոյգուն հեռախոսազրույցներ էր ունեցել ՆԱՏՕ-ի անդամ մի շարք երկրների իր պաշտոնակիցների հետ, որոնց ընթացքում մտահոգություն էր հայտնել, որ Ուկրաինան, ըստ նրա, պատրաստվում է կիրառել, այսպես կոչված, «կեղտոտ ռումբ»։
Քրիստին Լամբրեխտն Ուկրաինայի հասցեին Ռուսաստանի մեղադրանքներն անվանել է «չլսված» և «անհիմն»։ Նրա խոսքով՝ կարևոր է, որ Արևմուտքը հստակությամբ հերքի ռուսական մեղադրանքները և Մոսկվային ազդակ ուղարկի այն մասին, որ նախկինի պես աջակցում է Ուկրաինային։
Էմմա Չոբանյան
