09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Ռազմավարությունը գրեթե չի անդրադարձել առողջ և անվտանգ աշխատանքային պայմանների ապահովմանը․ Էլեն Մանասերյան․ ՏԵՍԱՆՅՈՒԹ
Հասարակություն
24.10.2022 | 13:11
«Ողջունելի է, որ ունենք ռազմավարության նախագիծ աշխատանքի և սոցիալական պաշտպանության ոլորտում, շրջանառության մեջ է դրվել այդ փաստաթուղթը, բայց կան խնդիրներ՝ մասնավորապես աշխատանքային իրավունքի հարցերը բավարար չափով ներառված չեն այս նախագծում»,- «Պաշտպանվա՞ծ է աշխատանքային իրավունքը աշխատանքի պաշտպանության նոր ռազմավարությամբ» թեմայով քննարկման ժամանակ, ներկայացնելով իր դիտարկումները, այս մասին նշեց Հայաստանի արհմիությունների կոնֆեդերացիայի նախագաh Էլեն Մանասերյանը։
Նրա խոսքով՝ ընտանք, երեխաների իրավունքներ, տարիք․ ռազմավարության այս նախագծում ավելի շատ շեշտադրումներ արվել են այս հարցերի վրա։
«Ռազմավարության մեջ գրեթե անդրադարձ չկա առողջ և անվտանգ աշխատանքային պայմանների ապահովմանը աշխատավայրերում։ Այս առումով շատ անելիքներ ունենք։
Նաև դեռևս աշխատատեղերի ատեստավորման կարգ չկա, որը ևս առողջ և անվտանգ աշխատանքային պայմանների հետ է կապված։
Եվ ամենակարևորը՝ Հայաստանը չի վավերացրել առողջ և անվտանգ աշխատանքային պայմանների վերաբերյալ Աշխատանքի միջազգային կազմակերպության 2 հիմնարար կոնվենցիաներից ոչ մեկը։
Այսօր խնդիր է նաև ստվերային աշխատանքը, որի հետ կապված՝ Հայաստանի արհմիությունների կոնֆեդերացիան բողոքներ է ստանում․ լինում են աշխատավարձերի և աշխատանքից հեռացման կամ ազատման դեպքում վրջնահաշվարկի չվճարման դեպքեր։ Այսինքն՝ չգրանցված աշխատանքային հարաբերությունների վերաբերյալ խնդրին ևս պետք է անդրադարձ կատարվի ռազմավարությունում»։
Մանրամասները՝ տեսանյութում։
