16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Մենք պատրաստ ենք զարգացնել հարաբերությունները՝ հիմնված իրավահավասարության և փոխադարձ շահերի հարգանքի վրա․ Արարատ Միրզոյանը՝ ԱՊՀ կառավարությունների ղեկավարների խորհրդի նիստում. ԼՈՒՍԱՆԿԱՐՆԵՐ, ՏԵՍԱՆՅՈՒԹ
Քաղաքականություն
01.06.2018 | 13:41
Դուշանբեում մեկնարկել է ԱՊՀ կառավարությունների ղեկավարների խորհրդի նիստը: Մինչ նիստի մեկնարկը կառավարության ղեկավարներին դիմավորեց Տաջիկստանի վարչապետ Կոխիր Ռասուլզոդան, որից հետո նրանց ընդունեց նախագահ Էմոմալի Ռահմոնը:
ԱՊՀ կառավարությունների ղեկավարների խորհրդի նիստում Հայաստանը, հիշեցնենք, ներկայացնում է առաջին փոխվարչապետ Արարատ Միրզոյանը։
Միմյանց ողջունելուց և լուսանկարվելուց հետո տեղի ունեցավ նեղ կազմով հանդիպում, որի ընթացքում ելույթ ունեցավ Հայաստանի առաջին փոխվարչապետ Արարատ Միրզոյանը։
Առաջին փոխվարչապետը շեշտեց, որ Հայաստանի նոր կառավարությունը պատրաստ է խոսրացնել հարաբերությունները գործընկերների հետ:
Նիստի ընթացքում ստորագրվեցին օրակարգում ներառված բոլորը փաստաթղթերը, որոնցից հայկական կողմն առավել կարևորել է երեքը` «Մտավոր սեփականության շուկայի ձևավորման և զարգացման մասին» համաձայնագիրը, «Միջպետական ստանդարտացման փաստաթղթերի տարածման» և «Էլեկտրոնային և էլեկտրատեխնիկական սարքավորումների թափոնների գործածության ոլորտում ԱՊՀ մասնակից-պետությունների համագործակցության մասին» համաձայնագրերը:
Հիշեցնենք՝ Հայաստանի պատվիրակությունը Դուշանբե է ժամանել երեկ մեկօրյա աշխատանքային այցով՝ մասնակցելու ԱՊՀ կառավարությունների ղեկավարների խորհրդի նիստին:
Մանրամասները՝ տեսանյութում:
