05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Թուրքիայի և Իսրայելի ՊՆ ղեկավարները վերջին տասնամյակում առաջին անգամ կհանդիպեն
Քաղաքականություն
21.10.2022 | 23:30
Իսրայելի պաշտպանության նախարար Բենի Գանցը հաջորդ շաբաթ կայցելի Թուրքիա։ Այս մասին հաղորդում է Jerusalem Post-ը՝ նշելով, որ սա տարածաշրջանային մրցակիցների միջև հարաբերությունների ապասառեցման վերջին քայլն է, գրում է Ահվալ գործակալությունը։
Նշվում է, որ Գանցն Անկարայում հանդիպելու է Թուրքիայի պաշտպանության նախարար Հուլուսի Աքարի հետ։ Սա լինելու է Իսրայելի պաշտպանության նախարարի առաջին այցը Թուրքիա վերջին տասնամյակում՝ Իսրայելի ընտրություններից օրեր առաջ։
Թուրքիան և Իսրայելը փորձում են վերականգնել երկկողմ հարաբերությունները։ Երկու պետությունները դեսպաններին արտաքսել էին 2018 թվականին, իսկ այս տարի օգոստոսին հայտարարեցին, որ կվերականգնեն լիարժեք դիվանագիտական հարաբերությունները՝ դրանց աստիճանական բարելավման ամիսներից հետո: Որոշ ժամանակ անց երկրները դեսպաններ նշանակեցին:
Հավելենք, որ Գանցի այցը Թուրքիա տեղի է ունենում Ադրբեջան նրա ուղևորությունից հետո։
Էմմա Չոբանյան
