31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Իրանը ՀՀ-ի անվտանգությունը համարում է իր անվտանգությունը. Իրանի ԱԳ նախարար․ ՏԵՍԱՆՅՈՒԹ
Քաղաքականություն
21.10.2022 | 15:54
Սյունիքի մարզկենտրոն Կապանում այսօր պաշտոնապես բացվեց Իրանի գլխավոր հյուպատոսությունը:
Հյուպատոսարանի բացման արարողությանը մասնակցում էին Հայաստանի և Իրանի արտգործնախարարներ Արարատ Միրզոյանը և Հոսեյն Ամիր Աբդոլլահիանը, բարձրաստիճան այլ պաշտոնյաներ։
«Իրանը Հայաստանի և տարածաշրջանի անվտանգությունը համարում է իր անվտանգությունը։ Մեր քաղաքականությունն է՝ հարգել տարածքային ամբողջականությունը, ինչպես նաև միջազգայնորեն ճանաչված սահմանները»,- այս մասին հայտարարեց Իրանի արտգործնախարար Հոսեյն Ամիր Աբդոլլահիանը։
Նա նաև ընդգծեց, որ ՀՀ-ում Իրանի հյուպատոսության բացումը կնպաստի նաև Հայաստանի և Իրանի միջև առևտրատնտեսական հարաբերությունների զարգացմանը։ «Սյունիքի մարզը Հյուսիս-հարավ ճանապարհային միջանցքի կարևորագույն հատվածներից մեկն է: Մեր առավելագույն ջանքերը կգործադրենք, որպեսզի այս տարանցիկ ուղին, ինչպես նաև բեռնափոխադրումներն ու ուղևորափոխադրումներն այս ճանապարհով առավել զարգանան»,- նշեց Իրանի արտգործնախարարը։
Նա նաև հիշեցրեց ԻԻՀ կառավարության պատրաստակամությունը փոխադարձաբար Թավրիզ քաղաքում ՀՀ հյուպատոսություն հիմնելու վերաբերյալ։
Մանրամասները՝ տեսանյութում։
