15.01.2025 | 19:34
ԱՄՆ-ի և Հայաստանի միջև ռազմավարական գործընկերությունը պատմական քայլ է դեպի առաջ. Սալոմե Զուրաբիշվիլի
Բարձր ենք գնահատում մեր երկրի ողնաշար Սյունիքում Իրանի հյուպատոսություն բացելու որոշումը․ Միրզոյան․ ՏԵՍԱՆՅՈՒԹ
Քաղաքականություն
21.10.2022 | 15:35
Այսօր նշանակալի օր է հայ-իրանական բազմադարյա և բարիդրացիական հարաբերությունների պատմության մեջ: Այս մասին Կապանում Իրանի հյուպատոսության բացման արարողության ժամանակ ընդգծեց ՀՀ ԱԳ նախարար Արարատ Միրզոյանը:
«Իրանի գլխավոր հյուպատոսության հիմնումն ու արդյունավետ գործունեությունը նոր որակ կհաղորդեն երկու երկրների առանձնահատուկ հարաբերություններին, կխթանեն երկկողմ փոխգործակցությունն ու կնպաստեն հայ-իրանական կապերի զարգացմանը:
Հատկանշական է, որ այս կարևոր միջոցառումը տեղի է ունենում ՀՀ-ի և ԻԻՀ-ի միջև դիվանագիտական հարաբերությունների հաստատման 30-րդ տարում:
Անցած 30 տարիներին մեր անցած ուղին նշանավորվել է ռազմավարական բնույթ ունեցող հարաբերությունները եղբայրության և սերտ գործընկերության ոգով զարգացնելու մեր անկեղծ մղումով»,- նշեց Միրզոյանը:
Նա վստահություն հայտնեց, որ հետայսու ևս կներդրվեն անհրաժեշտ ջանքեր ապագա փոխշահավետ համագործակցությունն ավելի խորացնելու և ամրապնդելու համար:
ՀՀ արտգործնախարարի հավաստմամբ՝ Հայաստանում խորապես ընկալում և բարձր են գնահատում մեր երկրի ողնաշարը հանդիսացող այս հատվածում՝ Սյունիքի մարզում, գլխավոր հյուպատոսություն բացելու Իրանի իշխանությունների որոշումը։
Մանրամասները՝ տեսանյութում։
