31.10.2026 | 22:55
Հայտնաբերվել է զինծառայողի դի. ՊՆ
Կապանում բացվեց Իրանի գլխավոր հյուպատոսությունը․ ՏԵՍԱՆՅՈՒԹ
Քաղաքականություն
21.10.2022 | 15:25
Սյունիքի մարզկենտրոն Կապանում պաշտոնապես բացվեց Իրանի գլխավոր հյուպատոսությունը:
Հյուպատոսության բացման արարողությանը մասնակցում են Հայաստանի և Իրանի արտգործնախարարներ Արարատ Միրզոյանը և Հոսեյն Ամիր Աբդոլլահիանը, ներկա են նաև բարձրաստիճան այլ պաշտոնյաներ՝ Հայաստանի ու Իրանի Հանրապետություններից։
Սա Իրանի առաջին գլխավոր հյուպատոսությունն է Հայաստանում:
Իրանի արտաքին քաղաքական գերատեսչության ղեկավարը նախօրեին է Երևան ժամանել պաշտոնական այցով, հանդիպում է ունեցել հայ գործընկեր Արարատ Միրզոյանի հետ, կայացել է երկու նախարարների համատեղ ասուլիսը:
Նշենք, որ Իրանի կառավարությունը անցած տարվերջին էր որոշել Սյունիքի մարզկենտրոնում գլխավոր հյուպատոսություն բացել՝ հավանություն տալով Իրանի ԱԳՆ-ի առաջարկին: Այս տարվա օգոստոսին հայտնի դարձավ, որ Կապանում Իրանի գլխավոր հյուպատոս է նշանակվել Մորթեզա Աբեդին Վարամինը:
