Այրված հողի մարտավարությունը ՌԴ-ին չի օգնել հաղթել պատերազմում․ Շոլց

Գերմանիայի կանցլեր Օլագ Շոլցը կտրուկ դատապարտել է ռուսական շարունակվող հարձակումները ուկրաինական օբյեկտների վրա մարտական անօդաչուների օգտագործմամբ, գրում է DW-ի ռուսական ծառայությունը։ Նա նշել է, որ դա ռազմական հանցագործություն է, որը չի հասնի իր նապատակին։

«Նման մարտավարությունը այրված հողի չի օգնի Ռուսաստանին հաղթել պատերազմում։ Այն մաին ամրապնդում է Ուկրաինայի վճռականությունն ու նրա գործընկերների համառությունը»,-ասել է Շոլցը Բունդեսթագում։

Նա նշել է, որ ռուսական ռմբակոծությունն ու հրթիռային ահաբեկչությունը հանդիսանում է ի վերջո, հուսահատության ակտ, ինչպիսին է նաև մոբիլիզացիան։

Ըստ Շոլցի՝ Ռուսաստանի նախագահ Վլադիմիր Պուտինը ահաբեկում է Ուկրաինան և բացահայտ և բացարձակապես անպատասխանատու սպառնում է ողջ աշխարհին միջուկային զենքի կիրառմամբ։ Գերմանիայի կանցլերի պնդմամբ՝ Պուտինը ցանկանում է վախ սերմանել և պառակտել Արևմուտքի միասնությունը, սակայն սխալվում է, քանի որ Եվրոպան ու միջազգային դաշինքները ուժեղ են առավել քան երբևէ, իսկ Ուկրաինան էլ շարունակել է հաջողությամբ պաշտպանվել։

Միևնույն ժամանակ, Շոլցը հայտարարել է մինչև 2023 թվականի գարուն մինչև 5000 զինծառայողներից բաղկացած ուկրաինական ամբողջական բրիգադ պատրաստելու Գերմանիայի պլանների մասին։

«Այսպիսով, մենք ընդգծում ենք մեր պատրաստակամությունը՝ մշտապես աշխատելու ուժեղ ուկրաինական բանակի ստեղծման վրա՝ ձեռք ձեռքի տված մեր գործընկերների հետ»,- ասել է նա։

Շոլցը նաև հայտարարել է, որ Կրեմլի ձախողված փորձերի մասին ճնշելու Գերմանիային ու Եվրոպային էներգակիրների մատակարարումների սահմանափակումների միջոցով։

«Պուտինը հույս ուներ շանտաժի ենթարկել մեզ՝ անջատելով գազի փականը, բայց այստեղ նա սխալ հաշվարկեց»,- ասել է նա։ Շոլցի խոսքով՝ անցած շաբաթների և ամիսների ընթացքում Գերմանիան ձեռնարկել է անհրաժեշտ միջոցներ՝ նախապատրաստվելու համար առաջիկա ձմեռային սեզոնին։

Էմմա Չոբանյան