27.02.2026 | 13:31
Վաշինգտոնը դրական է որակել Ժնևում անցկացված ԱՄՆ-Իրան բանակցությունները
ԱՄՆ-ի և Թուրքիայի ՊՆ ղեկավարները քննարկել են տարածաշրջանային կայունությանը վերաբերող հարցեր
Քաղաքականություն
20.10.2022 | 16:51
ԱՄՆ պաշտպանության նախարար Լլոյդ Օսթինը նախօրեին հեռախոսազրույց է ունեցել Թուրքիայի պաշտպանության նախարար Հուլուսի Աքարի հետ, հաղորդում է ԱՄՆ Պաշտպանական դեպարտամենտը։
Նշվում է, որ Օսթինը վերահաստատել էՄիացյալ Նահանգների և Թուրքիայի միջև ընդհանուր շահերի լայն շրջանակը։
«Այս զանգը անցյալ շաբաթ Բրյուսելում ՆԱՏՕ-ի պաշտպանության նախարարների հանդիպման ընթացքում առաջնորդների զրույցի շարունակությունն է։ Նրանք քննարկել են տարածաշրջանային կայունության կարևորությունը և դիտարկել պաշտպանական համագործակցությունը»,- ասվում է հաղորդագրության մեջ։
Թուրքական կողմի հաղորդագրության համաձայն էլ՝ նախարարները քննարկել են երկկողմ ու բազմակողմ հարաբերությունները, անվտանգության հարցեր, ՆԱՏՕ-ն և տարածաշրջանային խնդիրներ, փոխանցում է Անադոլու գործակալությունը։
Էմմա Չոբանյան
