31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Ավանեսյանը՝ ԱԺ-ում էթիկայի հանձնաժողով ստեղծելու իր դիմումի մասին․ ՏԵՍԱՆՅՈՒԹ
Հասարակություն
20.10.2022 | 12:58
Առողջապահության նախարար Անանհիտ Ավանեսյանն ամիսներ առաջ Ազգային ժողով էր դիմել՝ էթիկայի հանձնաժողով ձևավորելու խնդրանքով՝ առողջապահության նախարարությունում տեղի ունեցած միջադեպից հետո, երբ «Հայաստան» և «Պատիվ ունեմ» դաշինքի 3 պատգամավոր, շրջանցելով ոստիկանական անցակետը, մտել էին նրա խորհրդակցական սենյակ՝ բողոքի ակցիա անելու։
Նշենք, որ Ավանեսյանի սենյակ ներխուժած պատգամավորներն իրենց հետ բերել էին անցած տարի արված լուսանկարներ դիահերձարանից, որտեղ 44-օրյա պատերազմի զոհերի աճյունները պահված էին ոչ պատշաճ պայմաններում, պարկերով դրված էին դիահերձարանի հատակին։
Այսօր կառավարության նիստից հետո լրագրողների հետ զրույցում անդրադառնալով հարցին, թե ինչ ընթացք ստացավ դիմումը, Ավանեսյանը նշեց, որ աշխատանք էր տարվում, որպեսզի այդ հանձնաժողովի կազմը որոշվի։
«Առաջիկայում ԱԺ-ի հետ հարցուպատասխանի ժամանակ նաև ունենալու ենք աշխատանքային քննարկում, ես հետևողական եմ լինելու, որպեսզի ներկայացված դիմումն ի վերջո քննվի»,- նշեց նախարարը։
Մանրամասները՝ տեսանյութում։
