20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Ռազմական դրություն սահմանելը ցույց է տալիս Պուտինի հուսահատությունը․ Բլինքեն
Քաղաքականություն
20.10.2022 | 15:35
ԱՄՆ պետքարտուղար Էնթոնի Բլինքենը ABC News-ին տված հարցազրույցում ասել է, որ Ռուսաստանի նախագահ Վլադիմիր Պուտինի՝ Ուկրաինայի անօրինական կերպով բռնակցված շրջաններում ռազմական դրություն մտցնելու որոշումը «խոսում է նրա հուսահատության մասին», քանի որ ուկրաինական ուժերը շարունակում են առաջընթաց գրանցել:
«Միայն վերջին մի քանի շաբաթների ընթացքում նա փորձել է մոբիլիզացնել հավելյալ ուժեր։ Նա գնացել է ուկրաինական տարածքների անօրինական անեքսիայի։ Հիմա, երբ նա ռազմական դրություն է հայտարարել այն տարածքներում, որտեղ բնակիչները, ըստ նրա, ցանկանում են լինել Ռուսաստանի կազմում, դա խոսում է նրա հուսահատության մասին»,- ասել է Բլինքենը։
Երբ լրագրողը ուշադրություն է հրավիրել Ռուսաստանի ղեկավարի վերջին որոշումների վրա և պետքարտուղարին հարցրել՝ արդյո՞ք կարծում է, որ Պուտինը պատրաստվում է «լայնամասշտաբ պատերազմի», Էնթոնի Բլինքենը պատասխանել է, որ ռուսական ներխուժումն արդեն իսկ ավելի ոչ ընտրողական է դառնում բռնությունների առումով:
Հիշեցնենք, որ ՌԴ նախագահ Վլադիմիր Պուտինը Ուկրաինայի բռնակցված 4 մարզերում ռազմական դրություն մտցնելու մասին է հայտարարել։ Նա նաև բարձր «պատրաստվածության» տարբեր մակարդակներ է սահմանել Ռուսաստանի բոլոր շրջաններում։
Տաթև Ֆռանգյան
