18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Նոր հարվածներ էներգետիկ ենթակառուցվածքներին և էլեկտրաէներգիայի մատակարարման սահմանափակումներ Ուկրաինայում
Քաղաքականություն
20.10.2022 | 11:59
Հինգշաբթի գիշերը ՌԴ-ն հարված է հասցրել Ուկրաինայի Դնեպրոպետրովսկի մարզում գտնվող էներգետիկ ենթակառուցվածքի օբյեկտին, հայտնել է տարածաշրջանային ռազմական վարչակազմի ղեկավար Վալենտին Ռեզնիչենկոն։ Նրա խոսքով՝ հարվածի տակ է ընկել նաև արդյունաբերական ձեռնարկություն, գրում է BBC-ի ռուսական ծառայությունը։Նախնական տեղեկություններով՝ տուժածներ չկան, սակայն կան լուրջ ավերածություններ, փոխանցում է «Ուկրաինական պրավդան»։
Հիշեցնենք, որ ռուս զինվորականներն արդեն երկրորդ շաբաթն անընդմեջ հարվածներ են հասցնում Ուկրաինայի էներգետիկ ենթակառուցվածքներին՝ զգալի վնաս հասցնելով դրանց։ Ուկրաինան այսօրվանից էլեկտրաէներգիայի օգտագործման սահմանափակում է մտցնում։ «Ուկրէներգոյի» փոխանցմամբ՝ այն կգործի առավոտյան ժամը 7-ից մինչ երեկոյան 10-ը։
Կիևում սկսվել են առաջին հոսանքազրկումները, իսկ Սումիի մարզում մեկ օրով կդադարեցվի ջրամատակարարումը, չեն աշխատի էլեկտրական տրանսպորտը և փողոցների լուսավորությունը։
