18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
ԱՄՆ-ն Թուրքիայի հետ բանակցություններ է անցկացրել Անկարայի կողմից ՌԴ-ի դեմ պատժամիջոցների պահպանման առնչությամբ
Քաղաքականություն
19.10.2022 | 20:11
Ֆինանսական հանցագործությունների գծով ԱՄՆ ֆինանսների նախարարի օգնական Էլիզաբեթ Ռոզենբերգի գլխավորությամբ ամերիկյան պատվիրակությունն այս շաբաթ Թուրքիայի իշխանությունների հետ քննարկել է Անկարայի կողմից ՌԴ-ի դեմ պատժամիջոցների պահպանման հարցը։ Այս մասին հայտնում է Bloomberg-ը՝ վկայակոչելով իր անանուն աղբյուրներին, փոխանցում է Ինտերֆաքսը։
«ԱՄՆ պաշտոնատար անձինք թուրք գործընկերների հետ բանակցություններ են անցկացրել Ռուսաստանի դեմ պատժամիջոցների պահպանման վերաբերյալ։ Սա Արևմուտքի ևս մեկ քայլ էր՝ ճնշում գործադրելու Անկարայի վրա, որ նա Մոսկվայի նկատմամբ ավելի կոշտ դիրքորոշում որդեգրի»,- նշում է գործակալությունը։
ԱՄՆ պատվիրակությունը հանդիպումներ է անցկացրել Թուրքիայի Կենտրոնական բանկի ղեկավարի, Անկարայում և Ստամբուլում բիզնես խմբերի ներկայացուցիչների հետ։
Բացի այդ, սպասվում է ամերիկյան պատվիրակության հանդիպումը Թուրքիայի Ֆինանսների նախարարության այլ ներկայացուցիչների հետ։
Էմմա Չոբանյան
