13.03.2026 | 17:20
Բոլոր սցենարները հաշվարկված են․ Ալեքսան Ալեքսանյանը՝ ԱՀԾ-ի և ՔԿ-ի հայտարարությունների մասին․ ՏԵՍԱՆՅՈՒԹ
Փաստաբան Էրիկ Ալեքսանյանը կալանավորվեց
Հասարակություն
19.10.2022 | 17:27
Երևան քաղաքի ընդհանուր իրավասության դատարանը` նախագահությամբ դատավոր Արշակ Մաթևոսյանի, քիչ առաջ
բավարարեց փաստաբան Էրիկ Ալեքսանյանին կալանավորելու վերաբերյալ Ազգային անվտանգության ծառայության միջնորդությունը։
Այս մասին Factor.am-ի հետ զրույցում ասաց Ալեքսանյանի պաշտպաններից Գայանե Պապոյանը։ Էրիկ Ալեքսանյանը մեղադրվում է դատավոր Արուսյակ Ալեքսանյանին պաշտոնեական լիազորություններն անցնելու հարցում օժանդակելու մեջ, նա մեղադրանքը չի ընդունում։ Գործը վերաբերում է դատավոր Արուսյակ Ալեքսանյանի կայացրած դատական ակտերից մեկին։ Ալեքսանյանը որոշել է 2․5 մլն դրամ գրավի դիմաց ազատ արձակել քրեական հեղինակություն համարվող Սերգեյ Գրիգորյանին, որը հայտնի է Ֆազ մականունով և փաստաբան Էրիկ Ալեքսանյանի պաշտպանյալն է: Փաստաբան Ալեքսանյանն ասում է, որ ինքն ընդամենը կատարել է իր մասնագիտական պարտականությունն ու գրավ կիրառելու միջնորդություն ներկայացրել դատարան։ Նա անհիմն է որակում նաև դատավոր Արուսյակ Ալեքսանյանի մեղադրանքը։
Նշենք, որ այսօր ժամը 12։00-ին Երևանի ընդհանուր իրավասության դատարանի մեկ այլ դատավոր՝ Ռազմիկ Մարիկյանը, բավարարել էր դատավոր Արուսյակ Ալեքսանյանին կալանավորելու միջնորդությունը։
Արաքս Մամուլյան
