18.08.2026 | 18:23
Ռուբինյանն ու ԱՄՆ կոնգրեսականը քննարկել են TRIPP-ի իրականացումն ու տարածաշրջանային զարգացումները
Պուտինն Ուկրաինայից բռնակցված 4 շրջաններում ռազմական դրություն է հայտարարել
Քաղաքականություն
19.10.2022 | 16:50
ՌԴ նախագահ Վլադիմիր Պուտինը հայտարարել է ինքնահռչակ ԼԺՀ-ում, ԴԺՀ-ում, ինչպես նաև Խերսոնի ու Զապորոժիեի բռնակցված շրջաններում ռազմական դրություն մտցնելու մասին։ ՌԻԱ Նովոստիի փոխանցմամբ՝ այս մասին որոշումը կայացվել է ՌԴ Անվտանգության խորհրդի նիստում։
«Հիշեցնեմ, որ Դոնեցկի Ժողովրդական Հանրապետությունում, Լուգանսկի Ժողովրդական Հանրապետությունում, ինչպես նաև Խերսոնի և Զապորոժիեի մարզերում, մինչև Ռուսաստանի կազմ մտնելը, գործում էր ռազմական դրության ռեժիմ: Այժմ մենք պետք է ձևակերպենք այս ռեժիմը Ռուսաստանի Դաշնության օրենսդրության շրջանակում։ Այդ պատճառով էլ ես հրամանագիր եմ ստորագրել Ռուսաստանի Դաշնության այս չորս սուբյեկտներում ռազմական դրություն մտցնելու մասին: Այն անմիջապես կուղարկվի Դաշնության Խորհրդի հաստատմանը», – ասել է Պուտինը:
Ավելի վաղ ՌԴ-ի կողմից նշանակված Խերսոնի շրջանի նահանգապետի պաշտոնակատար Վլադիմիր Սալդոն հայտարարել էր, որ Կիևը ուժեր է կուտակում լայնածավալ հարձակման համար և բնակիչների անվտանգության համար որոշվել է նրանց տեղափոխել Դնեպրի ձախ ափ։
