16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Իրանը պատասխանել է Ռուսաստանին օգնելու մասին Կիևի մեղադրանքներին
Քաղաքականություն
19.10.2022 | 20:54
Իրանը կրկին հերքել է Ռուսաստանին զենք մատակարարելու վերաբերյալ Ուկրաինայի մեղադրանքները և հայտարարել Կիևի հետ բարձրաձայնված պնդումները քննարկելու պատրաստակամության մասին։ Այս կերպ Իրանի ԱԳՆ-ն արձագանքել է Ուկրաինայի արտաքին գործերի նախարար Դմիտրի Կուլեբայի՝ երկրների միջև դիվանագիտական հարաբերությունները խզելու նախաձեռնությանը։
Իրանի ԱԳՆ խոսնակ Նասեր Քանանին հերթական անգամ հայտարարել է, որ Թեհրանը զենք, այդ թվում՝ ռազմական անօդաչու թռչող սարքեր չի ուղարկել՝ Ուկրաինայի դեմ պատերազմում օգտագործելու համար։
Նրա խոսքով՝ «սուտ տեղեկությունների և ոչ բարեկամական ենթադրությունների վրա հիմնված նման անհիմն հայտարարությունները որոշ երկրների լրատվամիջոցների կողմից Իրանի Իսլամական Հանրապետության դեմ ուղղված նպատակային և քաղաքական քարոզչության մի մասն են»։
Տաթև Ֆռանգյան
