27.07.2026 | 13:57
ԱԱ-2026-ի եզրափակիչի մրցավարն ավարտել է կարիերան
Հյուսիսային Կորեան հրետանային կրակ է բացել Հարավային Կորեայի հետ սահմանի մոտ
Քաղաքականություն
19.10.2022 | 14:10
Հյուսիսային Կորեան մոտ 250 հրետանային արկ է արձակել Հարավային Կորեայի հետ ծովային սահմանների մոտ հոկտեմբերի 18-ի երեկոյան՝ Սեուլի ամենամյա զորավարժությունների մեկնարկի հաջորդ օրը: Հրթիռակոծության մասին այսօր հայտնել են Հարավային Կորեայի Զինված ուժերի միացյալ շտաբի պետերը, գրում է DW-ի ռուսական ծառայությունը։
Կորեայի Հանրապետության Զինված ուժերը հայտնել են, որ արկերն ընկել են Հարավային Կորեայի տարածքային ջրերում՝ հայտնվելով անվտանգության գոտիներում, որոնք հաստատվել են 2018 թվականի միջկորեական համաձայնագրով, որի նպատակն է նվազեցնել երկու երկրների միջև լարվածությունը:
Հոկտեմբերի 14-ից ի վեր սա նման հրետակոծության երկրորդ դեպքն է, երբ արձանագրվեց 2018 թվականի պայմանագրերի ամենաէական խախտումը։
Հարավային Կորեայի զինվորականները հայտարարել են, որ Փհենյանը պետք է դադարեցնի սադրանքները, որոնք խաթարում են Կորեական թերակղզում խաղաղությունն ու կայունությունը։ Սեուլը հավելել է, որ բարձրացնում է իր մարտունակությունը և, համաձայնեցնելով Միացյալ Նահանգների հետ, ուշադիր հետևում է Հյուսիսային Կորեայի գործողություններին։
Տաթև Ֆռանգյան
