13.04.2026 | 23:11
Իրանում 2025թ․ մահապատժի է ենթարկվել առնվազն 1639 մարդ. սա 1989 թվականից ի վեր ամենաբարձր ցուցանիշն է
Արտերկրում բեռնափոխադրման կազմակերպման ծառայությունները, որոնք ՀՀ-ում են գործում, ԱԱՀ-ով չեն հարկվի․ ՏԵՍԱՆՅՈՒԹ
Տնտեսություն
19.10.2022 | 13:41
Մեկնարկել է ԱԺ Տնտեսական հարցերի հանձնաժողովի նիստը։
«Հայաստանում տարածում է գտնում գործունեության մի նոր տեսակ, որը, ըստ էության, ենթադրում է արտերկրում սկսվող և արտերկրում ավարտվող գործունեություն՝ այսինքն՝ Հայաստանի սահամաններից դուրս իրականացվող բեռնափոխադրման կազմակերպման կամ միջնորդության ծառայության իրականացում՝ հեռավար տարբերակով։ Բավականաչափ զբաղվածություն է ապահովում այս ոլորտը»,- ԱԺ Տնտեսական հարցերի հանձնաժողովի նիստում ներկայացնելով Հայաստանի Հանրապետության հարկային օրենսգրքում փոփոխություն կատարելու մասին նախագծը, նշեց ՀՀ ֆինանսների նախարարի տեղակալ Արման Պողոսյանը։
Նրա խոսքով՝ քանի որ սա գործունեության նոր տեսակ է, ՀՀ հարկային օրենսդրությունը սպառիչ չի կարգավորել այս գործունեության հարկման մանրամասները, մասնավորպես ծառայությունների վայրի որոշման կանոնները։
«Այս պարագայում հարցեր են առաջանում՝ արդյո՞ք ՀՀ-ում է գտնվում ծառայության մատուցման վայրը, թե՞ արտերկրում, դա էական է, քանի որ եթե Հայաստանում է գտնվում ծառայության մատուցման վայրը, ապա այս ծառայությունները հարկվում են ԱԱՀ-ի 20 տոկոսի դրույքաչափով , եթե արտերկրում են գտնվում, չեն հարկվում»,- նշեց փոխնախարարը։
Մանրամասները՝ տեսանյութում։
