27.07.2026 | 13:57
ԱԱ-2026-ի եզրափակիչի մրցավարն ավարտել է կարիերան
Ֆինլանդիան ուսումնասիրում է ՌԴ-ի հետ սահմանին պարիսպ կառուցելու հնարավորությունը
Քաղաքականություն
19.10.2022 | 12:46
Ֆինլանդիան մեկ քայլ ավելի մոտ է Ռուսաստանի հետ սահմանի երկայնքով ցանկապատի կառուցման հաստատմանը այն բանից հետո, երբ վարչապետ Սաննա Մարինը վստահություն է հայտնել, որ այս առաջարկը կստանա խորհրդարանական լայն աջակցություն, գրում է VOA-ն:
Ֆինլանդիայի սահմանապահ ծառայությունն առաջարկել է ցանկապատ կառուցել Ռուսաստանի հետ 1340 կիլոմետրանոց սահմանի երկայնքով՝ կանխելու լայնածավալ անօրինական միգրացիան։
«Սա ապագայում Ֆինլանդիայի [արևելյան] սահմանին պատշաճ հսկողություն ապահովելու խնդիրն է»,- ասել է Մարինը լրագրողներին՝ մինչ այդ հարցը քննարկելու համար հրավիրված խորհրդարանական խմբերի հետ հանդիպումը:
Մարինը ցանկանում է համոզվել, որ պարիսպը կառուցելու գաղափարը, որը կարժենա հարյուրավոր միլիոն եվրո, ունի լայն քաղաքական աջակցություն, հաղորդում է ֆիննական YLE հեռուստաընկերությունը:
Տաթև Ֆռանգյան
