05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Միջուկային մարտագլխիկներ կրող ռուսական ինքնաթիռները թռել են ԱՄՆ-ի ու Ճապոնիայի սահմաններին մոտ
Քաղաքականություն
19.10.2022 | 13:24
Ռուսաստանի պաշտպանության նախարարությունը երեքշաբթի օրը հայտնել է, որ երկու Ту-95МС ռազմավարական ռմբակոծիչներն ավելի քան 12 ժամյա թռիչք են իրականացրել Խաղաղ օվկիանոսի, Բերինգի և Օխոտսկի ծովերի վրայով, գրում է VOA-ն։
Միջուկային մարտագլխիկներով զինված ինքնաթիռների թռիչքն անցել է Ռուսաստանի և Արևմուտքի միջև ուկրաինական պատերազմի հետ կապված բարձր լարվածության պայմաններում։ Նախարարությունից հայտնել են, որ երկու ռմբակոծիչներին ուղեկցել են Миг 31 կործանիչներ։ Առաքելությունը բնութագրվում է որպես «կանոնավոր թռիչք չեզոք ջրերի վրայով»՝ համաձայն օդային տարածքի միջազգային կանոնակարգրերի: Ռուսաստանի պաշտպանության նախարարությունը չի հստակեցրել երթուղին, սակայն Օխոտսկի և Բերինգի ծովի վրայով թռիչքի ուղին եղել է Ճապոնիայի և ԱՄՆ-ի սահմանների մերձակայքում։
Հիշեցնենք, որ ՆԱՏՕ-ն ևս այս շաբաթ միջուկային պատրաստության զորավարժություններ է անցկացնում։
Տաթև Ֆռանգյան
