21.04.2026 | 17:54
Եվրոպան ցանկանում է արդյունավետ կապեր Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով
Պահանջում ենք, որ Ադրբեջանը վերադառնա ելման դիրքեր. Դեյվիդ Փրայս. ՏԵՍԱՆՅՈՒԹ
Քաղաքականություն
18.10.2022 | 17:51
ԱՄՆ-ն պահանջում է, որ Ադրբեջանը վերադառնա ելման դիրքեր։ Այս մասին Երևանում հրավիրած ասուլիսում ասաց ԱՄՆ Ներկայացուցիչների պալատի Ժողովրդավարական գործընկերության հանձնախմբի նախագահ Դեյվիդ Փրայսը։
«Թույլ տվեք ևս մեկ անգամ նշել՝ ԱՄՆ կողմից երկկուսակցական, երկպալատային ջանքեր են ներդրվում, մասնավորապես, գերիների վերադարձի ուղղությամբ։ Մենք դեմ ենք ներխուժմանը, որը տեղի է ունեցել Հայաստանի ինքնիշխան տարածք և պահանջում ենք, որ Ադրբեջանը վերադառնա ելման դիրքեր։ Մենք նաև հասկանում ենք, որ դեր ունենք խաղալու։ ԱՄՆ-ն դեր ունի խաղալու, մասնավորապես, ուղղորդելով միջազգային համայնքին, համագործակցելով միջազգային կազմակերպությունների հետ՝ այս երկարատև հակամարտությանը կարգավորված լուծում ապահովելու համար։ Այսինքն՝ քննարկում ենք հակամարտությունը, քննարկում ենք ԱՄՆ հնարավոր դերը։ Մեր ուշադրությունը ևս մեկ անգամ հրավիրվել է Հայաստանի ժողովրդավարության վրա, այն հանձնառության, որն ունի ՀՀ-ն դեպի ժողովրդավարության զարգացում»,- ասաց Փրայսը։
Մանրամասները՝ տեսանյութում։
