02.03.2026 | 17:10
Թոշակն ու զամբյուղը տարբեր հաշվարկներով․ ինչ են փոխում թվերը
Քանի դեռ ամբողջ ոստիկանական համակարգը չի բարեփոխվել, մի հատվածի բարեփոխումը վտանգված է․ Սաքունց․ ՏԵՍԱՆՅՈՒԹ
Հասարակություն
18.10.2022 | 17:22
Ընթանում է «Արդարացի դատաիրավական բարեփոխումներ» ջատագովության կոալիցիայի մեկնարկին նվիրված միջոցառումը։
Կոալիցիայի հիմնադիրներն են Բաց հասարակության հիմնադրամներ-Հայաստանը, Հելսինկյան քաղաքացիական ասամբլեայի Վանաձորի գրասենյակը, Իրավունքների պաշտպանություն առանց սահմանների հասարակական կազմակերպությունը, Հանրային լրագրության ակումբը, Իրավունքի զարգացման և պաշտպանության հիմնադրամը և Թրանսփարենսի Ինթերնեշնլ հակակոռուպցիոն կենտրոնը, որոնք նպատակ ունեն իրականացնել արդարադատության ոլորտի բարեփոխումների համատեղ ջատագովություն՝ հիմնվելով քաղաքացիական հասարակության կողմից իրականացվող և իրականացվելիք համապարփակ մշտադիտարկումների վրա։
«Ներդրվել է պարեկային ծառայությունը, բայց քանի դեռ ոստիկանության ամբողջ համակարգը չի բարեփոխվել, նրա մի հատվածի բարեփոխումը մշտապես վտանգված է։ Նկատի ունեմ այն, որ ինստիտուցիոնալ առումով՝ բարեփոխված մասը մեծապես ռիսկեր կունենա՝ հանձին չբարեփոխված մասի, որը ոստիկանության մի ամբողջ ապարատ է՝ սկսած կարգապահական վարույթներից, ներքին անվտանգության ծառայության մարմիններից և այլն։
Որոշակի խնդիրներ առկա են նաև բարեփոխված հատվածում՝ պարեկային ծառայության աշխատակիցների և այդ կառույցի նկատմամբ մարտահրավերների առումով։ Նաև պարեկային ծառայողների կողմից օրինականության խախտումներ են արձանագրվել»,- նշեց Սաքունցը։
Մանրամասները՝ տեսանյութում։
