11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
«Դեպքեր կան՝ ԱԺ-ն բարձր պաշտոններում ընտրել է բարեվարքության բացասական գնահատական ունեցող անձանց». Արաքս Մելքոնյան․ ՏԵՍԱՆՅՈՒԹ
Հասարակություն
18.10.2022 | 16:03
Ընթանում է «Արդարացի դատաիրավական բարեփոխումներ» ջատագովության կոալիցիայի մեկնարկին նվիրված միջոցառումը։
Կոալիցիայի հիմնադիրներն են Բաց հասարակության հիմնադրամներ-Հայաստանը, Հելսինկյան քաղաքացիական ասամբլեայի Վանաձորի գրասենյակը, Իրավունքների պաշտպանություն առանց սահմանների հասարակական կազմակերպությունը, Հանրային լրագրության ակումբը, Իրավունքի զարգացման և պաշտպանության հիմնադրամը և Թրանսփարենսի Ինթերնեշնլ հակակոռուպցիոն կենտրոնը, որոնք նպատակ ունեն իրականացնել արդարադատության ոլորտի բարեփոխումների համատեղ ջատագովություն՝ հիմնվելով քաղաքացիական հասարակության կողմից իրականացվող և իրականացվելիք համապարփակ մշտադիտարկումների վրա։
«Իրավունքների պաշտպանություն առանց սահմանների» ՀԿ նախագահ Արաքս Մելքոնյանը, անդրադառնալով բարեփոխումների ընթացքին, նշեց․ «Քաղաքացիական հասարակությունը վեթինգի հարցում լուրջ ներդրում ուներ այն իմաստով, որ իրականացրել էր ուսումնասիրություն, ներկայացրել այլ պետությունների փորձը, նաև լուծումներ էր առաջարկել, թե ինչպես պետք է իրականացնել արմատական վեթինգ դատաիրավական ոլորտում, սակայն, ցավոք, քաղաքական իշխանությունները չունեցան ցանկություն, քաղաքական կամք և պատրաստվածություն՝ իրականացնելու համընդհանուր վեթինգ առնվազն դատական համակարգում, որդեգրվեց «soft վեթինգը», որը կարգապահական պատասխանատվության և բարեվարքության գնահատման շրջանակներում պետք է իրականացվեր»։
Մելքոնյանի դիտարկմամբ՝ դատաիրավական համակարգի բարեփոխման գործընթացում խնդիրները շատ են․ «Հիմնական խնդիրը ԲԴԽ-ի ոչ թափանցիկ և ոչ հաշվետու լինելն է»։
Արաքս Մելքոնյանը նաև ընդգծեց, որ դեպքեր կան, երբ Ազգային ժողովը դատավորների, հանրային այլ ծառայողների ընտրության ժամանակ բարձր պաշտոններում ընտրել է բարեվարքության բացասական գնահատական ունեցող անձանց։
Մանրամասները՝ տեսանյութում։
