13.04.2026 | 20:33
Թրամփը սպառնում է ոչնչացնել իրանական նավերը, որոնք կփորձեն հատել Հորմուզը՝ ԱՄՆ ռազմածովային ուժերի շրջափակման ֆոնին
Առաջարկվում է միավորել «Քանաքեռ-Զեյթուն» ԲԿ-ն ու «Լևոն Հովհաննիսյանի անվան սրտաբանության ԳՀԻ»-ը․ ՏԵՍԱՆՅՈՒԹ
Տեսանյութեր
18.10.2022 | 15:48
«Քանաքեռ-Զեյթուն» բժշկական կենտրոն ՓԲԸ-ն և «Լևոն Հովհաննիսյանի անվան Սրտաբանության ԳՀԻ» ՓԲԸ-ն կմիավորվեն և կանվանափոխվեն «Երևան» բժշկական կենտրոն փակ բաժնետիրական ընկերության: այս մասին Երևանի ավագանու նիստի ժամանակ ասաց Երևանի փոխքաղաքապետ Գևորգ Սիմոնյանը:
Նրա խոսքով` միավորման արդյունքում կստեղծվի խոշոր, բազմապրոֆիլ բժշկական կենտրոն:
«Լևոն Հովհաննիսյանի անվան Սրտաբանության ԳՀԻ» շահագործվող բժշկական սարքավորումները ձեռք են բերվել նախորդ դարի 60-70-ական թվականներին և այժմ գտնվում են ոչ պատշաճ վիճակում: Մեր մասնագետների գնահատմամբ` շենք-շինության և օժանդակ կառույցների համալիր հիմնանորոգումը 1.8 միլիարդ դրամ կարժենա: Կենտրոնը առկա ռեսուրսներով չի կարող մրցունակ լինել այլ բուժկենտրոնների հետ»,-ասաց Սիմոնյանը` հավելելով, որ 2023 թվականին նախատեսվում է նորաստեղծ կենտրոնի համար 600 միլիոն դրամի շրջանակներում ձեռք բերել սարքավորումներ:
Սիմոնյանը նշեց, որ նախագծով կադրային կրճատում չի նախատեսվում:
