16.09.2026 | 14:20
Չեմ բացահայտի մեր քայլերը Տիգրանաշենի հետ կապված. Վաղինակ Վարդանով․ ՏԵՍԱՆՅՈՒԹ
Պապիկյանը մեկնել է Հնդկաստան․ԱԱԾ-ն դավաճանության նոր դեպք է բացահայտել․ Լուրեր
18.10.2022 | 13:49
- ԱԱԾ-ն հայտնել է պետական դավաճանության նոր դեպքի բացահայտման մասին։ Ըստ հաղորդագրության՝ զորամասերից մեկի պայմանագրային ծառայողը 2021 թվականի նոյեմբերից մինչև 2022 թվականի մայիսն ընկած ժամանակահատվածում հավաքել և օտարերկրյա հատուկ ծառայության ներկայացուցչին է հանձնել իր զորամասի տեղակայման վայրի, մարտական դիրքերի, դրանցում ծառայության անցկացման կարգի, զորամասի հաշվեկշռում գտնվող ավտոտեխնիկայի վերաբերյալ տեղեկություններ, որոնց դիմաց բանկային փոխանցումներով ստացել է 370 ԱՄՆ դոլար գումար։ Դավաճանության մեջ կասկածվող զինծառայողը կալանավորվել է։
- Պաշտպանության նախարարությունը հայտնել է, որ գիշերը ժամը 02:20-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:
- Պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Հնդկաստան․ տեղեկացնում են ՀՀ ՊՆ-ից։ Հիշեցնենք, որ մինչ այդ հնդկական մամուլը լուրեր էր տարածել, որ Հնդկաստանը Հայաստանին շուրջ 250 մլն դոլարի հրթիռային կայանքներ և այլ սպառազինություն է մատակարարելու։
Այս ժամի լուրերը՝ տեսանյութում։
