20.11.2024 | 20:04
Ադրբեջանի Միլլի Մեջլիսի նախագահը Ռուսաստան է ժամանել
«Նիստը վարեք չեզո՛ք, ոչ թե իբրև Թուրքիայի ներկայացուցիչ»․ բանավեճ ԵԽԽՎ-ում ՀՀ պատվիրակի ելույթի պահին․ ՏԵՍԱՆՅՈՒԹ
Քաղաքականություն
14.10.2022 | 17:05
ԵԽԽՎ-ում ՀՀ պատվիրակի ելույթի ժամանակ բանավեճ է ծավալվել։ Ամեն ինչ սկսվել է ԵԽԽՎ-ում Հայաստանի պատվիրակ, ընդդիմադիր պատգամավոր Հայկ Մամիջանյանի ելույթի ժամանակ ադրբեջանցի պատվիրակի ռեպլիկից․ նա նիստը վարողից պահանջել է թույլ չտալ հայ պատգամավորին ելույթ ունենալ։
ԵԽԽՎ-ում Հայաստանի պատվիրակության անդամ Վլադիմիր Վարդանյանը ձայն խնդրելով նշել է, որ եթե ասելիք ունեն ելույթի վերաբերյալ, ապա կարող են արտահայտվել ելույթի ավարտից հետո՝ ընդմիջման ընթացքում։ Հայաստանի պատվիրակության ղեկավար Ռուբեն Ռուբինյանն իր հերթին քննադատել է նիստը վարողին։ «Պարոն նախագահող, պարոն Մամիջանյանը խոսում է Լեռնային Ղարաբաղի հակամարտությունից, և Դուք իրավունք չունեք ընդհատել իմ կոլեգայի ելույթը, և նա ոչ թե կշարունակի իր ելույթը, այլ կսկսի նորից ու կխոսի այնքան երկար, որքան հարկ կհամարի։ Ես հասկանում եմ, որ Դուք Թուրքիայից եք, բայց Դուք Թուրքիան չէ, որ ներկայացնում եք այս պարագայում։ Դուք այս նիստի նախագահողն եք, նիստը չեզո՛ք վարեք»,- ասել է Ռուբինյանը։
