08.06.2026 | 06:41
Ամփոփվել են 1283 ընտրատեղամասերից ստացված նախնական արդյունքները. ԿԸՀ
Նախարարը ինձ փոխանցել է բուհերի միավորման նախագիծը. Բրյուսովի անվան համալսարանի ռեկտոր․ ՏԵՍԱՆՅՈՒԹ
Հասարակություն
14.10.2022 | 15:42
Վալերի Բրյուսովի անվան օտար լեզուների համալսարանում գիտխորհրդի նիստ է ընթանում։ Նիստի օրակարգը վերաբերում է բուհերի խոշորացմանը և մասնավորապես՝ Վ. Բրյուսովի անվան պետական համալսարանը և Հայաստանի ֆիզիկական կուլտուրայի և սպորտի պետական ինստիտուտը Խ. Աբովյանի անվան հայկական պետական մանկավարժական համալսարանին միավորելու շուրջ հարցի քննարկմանը:
Երևանի Բրյուսովի անվան պետական համալսարանի ռեկտոր Կարինե Հարությունյանը համալսարանի գիտական խորհրդի ընդլայնված նիստում հայտարարեց, որ այսօր ՀՀ կրթության, գիտության, մշակույթի և սպորտի նախարար Վահրամ Դումանյանը իրեն է փոխանցել 3 բուհերի միավորման վերաբերյալ կառավարության որոշման նախագիծը։
Հարությունյանը երեկ և այսօր հանդիպում է ունեցել Դումանյանի հետ ու նրան ներկայացրել դասախոսների, ուսանողության դիրքորոշումը և 3 բուհերի միավորման վերաբերյալ իրենց սկզբունքային անհամաձայնությունը։
«Նախարար Դումանյանը հանդիպման ժամանակ ինձ է փոխանցել կառավարության որոշման նախագիծը, որը դեռ չեմ հասցրել մանրակրկիտ ուսումնասիրել ժամանակի սղության պատճառով, բայց փոխանցել եմ մեր աշխատակազմին»,– ասաց նա։
Հարությունյանն ընդգծեց, որ ԿԳՄՍ նախարարին և փոխվարչապետ Համբարձում Մաթևոսյանին գրավոր հրավիրել են նիստին, սակայն նրանք զբաղվածության պատճառով չեն ներկայացել։
Մանրամասները՝ տեսանյութում։
