20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
Դավիթ Բաբայանը` Ադրբեջանի իշխանությունների հետ բանակցելու մասին․ ՏԵՍԱՆՅՈՒԹ
Քաղաքականություն
14.10.2022 | 14:00
«Մենք երբեք դեմ չենք եղել Ստեփանակերտ-Բաքու երկխոսությանը, երբ 1996թ-ից հետո Արցախը դուրս մնաց բանակցային գործընթացի մի հատվածից, մենք միշտ կոչ էինք անում վերականգնել լիարժեք ձևաչափը»,- այս մասին լրագրողների հետ ճեպազրույցի ընթացքում ասաց Արցախի ԱԳ նախարար Դավիթ Բաբայանը։
«Բայց այդ բանակցությունները, սակայն, չպետք է տեղի ունենան միջազգային ճանաչված հարթակից դուրս, գոյություն ունի մեկ միջազգային ճանաչված հարթակ՝ ԵԱՀԿ Մինսկի խումբը։ Ադրբեջանն ասում է, որ իրենք չեն բանակցելու Արցախի հետ որպես կողմ, մենք էլ ասում ենք թող ձևաչափը վերականգնվի, բանակցենք։ Բայց եթե ինչ-որ մեկը մտածում է, որ բանակցությունները պետք է ստանան այն երանգը, որ աբորիգեն մի ցեղախումբ՝ ի դեմս Արցախի, պետք է գնա և «մայր երկրին», տվյալ դեպքում՝ Ադրբեջանին նեղացած, փոշմանած խնդրի, որ ընդգրկվի իր կազմի մեջ, այդպես չի լինելու»,- ասաց Բաբայանը։
Անդրադառնալով Արևմուտք-Ռուսաստան հարաբերություններին՝ Դավիթ Բաբայանը նշեց․ «Ուզում եմ կոչ անել մեր ժողովրդին՝ իմաստուն լինել, անթույլատրելի եմ համարում, որ ցանկացած հայ ունենա հակառուսական կամ հակաամերիկյան կեցվածք: ՌԴ-ում երեք միլիոն հայ է ապրում, այն ապուշը, ով հակառուսական կարծիք է արտահայտում, չի մտածո՞ւմ իր հայրենակիցների մասին, որ կարող է այդ կապը կտրվել, կամ այն ապուշը, որ հակաարևմտյան կարծիք է հայտնում, չի մտածում, որ երկու միլիոն հայ կա ԱՄՆ-ում։ Ռուսաստանը մեզ համար եղբայրական երկիր է, Արևմուտքն էլ մեզ թշնամի չէ, ուստի մենք ռուս խաղաղապաներին այընտրանք չենք տեսնում։ Ռուսաստանը Արցախի անվտանգության միակ երաշխավորն է, իսկ ԱՄՆ-ն միակ երկիրն է, որը դեռևս քաղաքական առումով կարողանում է զսպել Թուրքիային»։
Արցախի ԱԳ նախարարը հավելեց, որ լավ կլինի ժողովրդավարական համարվող երկրները հստակ ասեն, որ չեն տեսնում Արցախը տոտալիտար Ադրբեջանի կազմում։
«Եթե Արցախի մազը ծռվեց, դա լինելու է խայտառակության խարանը՝ ժողովրդավարական երկրների վրա դաջված»,- ընդգծեց Բաբայանը։
Մանրամասները՝ տեսանյութում։
