14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Անընդունելի է Արցախը ճանաչել Ադրբեջանի մաս. Արցախի ԱԳ նախարար․ ՏԵՍԱՆՅՈՒԹ
Քաղաքականություն
14.10.2022 | 13:50
Արցախը դեմ չէ, որ Հայաստանն ու Ադրբեջանը հարաբերությունները բարելավեն, սակայն անընդունելի է Արցախն Ադրբեջանի մաս ճանաչելը, ինչը կբերի կամ պատերազմի, արյունահեղության, ցեղասպանության կամ Արցախի հայաթափման։ Այս տեսակետ հայտնեց Արցախի Հանրապետության արտաքին գործերի նախարար Դավիթ Բաբայանը ՀՀ ազգային ժողովում լրագրողների հետ ճեպազրույցում:
Անդրադառնալով հոկտեմբերի 6-ին Պրահայում Փաշինյանի, Ալիևի, Միշելի և Մակրոնի հանդիպումից հետո ընդունված հայտարարությունը, որով Հայաստանն ու Ադրբեջանը հաստատել են, որ ճանաչում են միմյանց տարածքային ամբողջականությունը՝ Բաբայանն ասաց. «Մենք դեմ չենք, որ Հայաստանն ու Ադրբեջանը հարաբերությունները բարելավեն: Ո՞վ կարող է դեմ լինել այդ հարաբերությունների բարելավմանը: Սակայն, պետք է հասկանանք, որ Արցախի համար և, կարծում եմ, ողջ հայության համար անընդունելի է Արցախը ճանաչել Ադրբեջանի մաս»:
«Մենք դիմում ենք աշխարհի ժողովրդավարական երկրներին․ եթե ժողովրդավարական աշխարհը Արցախը դիտում է որպես Ադրբեջանի մաս, սա կլինի խարան՝ ժողովրդավարական երկրների վրա դաջված, որովհետև Արցախի ցեղասպանութունը կլինի նաև այդ քաղաքականության հետևանք»,- ընդգծեց Բաբայանը։
Մանրամասները՝ տեսանյութում։
