08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Ալեն Սիմոնյանը կընդունի Արցախի պատվիրակությանը
Քաղաքականություն
14.10.2022 | 10:58
ՀՀ Ազգային ժողովի նախագահ Ալեն Սիմոնյանը քիչ անց խորհրդարանում կընդունի մոտ մեկ շաբաթ առաջ Երևան ժամանած Արայիկ Հարությունյանի գլխավորած պատվիրակությանը։ Հիշեցնենք՝ արցախցի պաշտոնյաները Երևան էին եկել Պրահայի քառակողմ հանդիպումից հետո, երբ Ստեփանակերտում բողոքի ցույցեր սկսվեցին։ Նրանք հայտարարել էին, թե գալիս են ստեղծված իրավիճակը Նիկոլ Փաշինյանի հետ քննարկելու, սակայն պատվիրակության կազմից Փաշինյանը հոկտեմբերի 12-ին ընդունել էր միայն Արայիկ Հարությունյանին։ Ուշագրավ է, որ հանդիպման արդյունքների մասին կողմերը պաշտոնական հաղորդագրություն չեն տարածել։ Իսկ երեկ՝ հոկտեմբերի 13-ին ԱԺ նախագահ Արթուր Թովմասյանի գլխավորած պատվիրակությանն ընդունել էր ՀՀ ԱԽ քարտուղար Արմեն Գրիգորյանը։ Պատվիրակության կազմում եղել են ԱՀ արտաքին գործերի նախարար Դավիթ Բաբայանը, ԱՀ նախագահի խորհրդական Մասիս Մայիլյանը, Հայաստանում ԱՀ մշտական ներկայացուցիչ Սերգեյ Ղազարյանը և ԱՀ ԱԺ արտաքին հարաբերությունների մշտական հանձնաժողովի նախագահ Վահրամ Բալայանը: Ըստ պաշտոնական հաղորդագրության՝ ԱԽ քարտուղար Արմեն Գրիգորյանը մանրամասներ է ներկայացրել բոլոր ուղղություններով ընթացող բանակցային գործընթացից, այնուհետև կողմերը մտքեր են փոխանակել և գնահատականներ ներկայացրել Հայաստանի ու Լեռնային Ղարաբաղի շուրջ ստեղծված անվտանգային իրավիճակի վերաբերյալ:
