14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ՀՀ դատախազությունը վստահեցնում է՝ հետևողական է լինելու ՌԴ ԱԴԾ-ի հրապարակված տեղեկատվության հանգամանքներն ամբողջությամբ բացահայտելու հարցում
Հասարակություն
12.10.2022 | 12:54
Հայաստանի Հանրապետության գլխավոր դատախազությունում ուսումնասիրվել են ՌԴ Անվտանգության դաշնային ծառայության կողմից այսօր տարածված տեղեկությունները և զանգվածային տարբեր լրատվամիջոցներում առկա հրապարակումները․ տեղեկացնում են ՀՀ գլխավոր դատախազությունից։
«Նկատի ունենալով, որ հրապարակումը պարունակել է առերևույթ հանցանքի մասին վկայող տեղեկություններ՝ Գլխավոր դատախազությունը դրանք հասցեագրել է ՀՀ ԱԱԾ քննչական դեպարտամենտ՝ քրեական վարույթ նախաձեռնելու հարցը լուծելու հանձնարարությամբ:
Օրենքով նախատեսված գործիքակազմի, այդ թվում՝ միջազգային փոխօգնության ինստիտուտի կիրառմամբ, Գլխավոր դատախազությունը հետևողական է լինելու հրապարակված տեղեկատվության հանգամանքները ամբողջությամբ բացահայտելու ուղղությամբ:
Արդյունքների մասին կտրամադրվի լրացուցիչ տեղեկատվություն»,- ասված է հաղորդագրությունում։
Հիշեցնենք, որ այսօր տեղեկություն էր տարածվել, ըստ որի՝ Ղրիմի կամրջի գործով 8 ձերբակալվածներից մեկը ՀՀ քաղաքացի է։
