01.11.2026 | 18:03
Փոթորիկներն իրական են, բայց իրական է նաև մեր ընտրությունը. Միրզոյանի ելույթը Մանամայում
Ալավերդի համայնքի ղեկավար ընտրվեց Արկադի Թամազյանը
Քաղաքականություն
12.10.2022 | 12:38
Ալավերդի համայնքի համամասնական ընտրակարգով ընտրված ավագանու առաջին նիստում` հոկտեմբերի 12-ին «Ապրելու երկիր» կուսակցության ցուցակը գլխավորող Արկադի Թամազյանը միաձայն ընտրվեց Ալավերդու համայնքապետ:
«Արմենպրես»-ի հաղորդմամբ` նորընտիր համայնքապետի երդման արարողությունը տեղի կունենա հոկտեմբերի 15-ին` ժամը 11:00-ին:
Ալավերդիում ՏԻՄ ընտրությունները տեղի էին ունեցել սեպտեմբերի 25-ին: Ընտրությունների արդյունքներով «Քաղաքացիական պայմանագիր» կուսակցությունը հավաքել էր 6557, «Ապրելու երկիր» կուսակցությունը՝ 6791, ՀԱԿ-ը՝ 340, ՀՅԴ-ն՝ 316 ձայն: Ընտրությունների արդյունքներով Ալավերդիի ավագանի էին անցել ՔՊ-ն, «Ապրելու երկիր»-ը և ՀԱԿ-ը: «Ապրելու երկիր»-ն ու ՀԱԿ-ն ավելի վաղ հայտարարել էին կոալիցիա կազմելու մասին, ինչի շնորհիվ էլ հնարավոր կդառնար «Ապրելու երկիր» կուսակցության ցուցակի առաջին համարի թեկնածուին համայնքի ղեկավար ընտրել:
