01.11.2026 | 18:03
Փոթորիկներն իրական են, բայց իրական է նաև մեր ընտրությունը. Միրզոյանի ելույթը Մանամայում
«Փաշինյանն ատում է Արցախը` դիտարկելով Քոչարյանի և Սերժ Սարգսյանի հայրենիք». Թագուհի Թովմասյան․ ՏԵՍԱՆՅՈՒԹ
Քաղաքականություն
10.10.2022 | 11:41
«Արցախն Ադրբեջանի կազմում ապագա չունի։ Այսօր խորհրդարանական ճեպազրույցների ժամին այս մասին հայտարարեց «Պատիվ ունեմ» խմբաիկցության պատգամավոր, ԱԺ մարդու իրավունքների պաշտպանության մշտական հանձնաժողովի նախագահ Թագուհի Թովմասյանը։
«Ադրբեջանի կազմում Արցախի պատկերացումը նշանակում է, որ մենք մեր հայրենակիցներին տանում ենք նոր ցեղասպանության։ Որևէ արցախցի չի կարող Ադրբեջանի կազմում ապրել ապահով, իր իրավունքների պաշտպանությամբ, և ուղղակի չի կարող ապրել»,- նշեց Թովմասյանը՝ հավելելով, որ ամեն ինչ պետք է անել դա թույլ չտալու համար։
«Աշխարհի համար պետք է լսելի դարձնել, որ եթե Կոսովոյի ինքնորոշման իրավունքը աշխարհի համար ընկալելի է, ինչո՞ւ պիտի Արցախինն ընկալելի չլինի,- նշեց պատգամավորը։
Թովմասյանը ողջունեց արցախցիների բողոքի ակցիաները, որոնք սկսվել են վերջին երկու օրերին։
Ըստ նրա՝ Հայաստանը պարտավոր է տեր կանգնել Արցախին։
«Ես հասկանում եմ, որ Նիկոլ Փաշինյանն Արցախը ընկալում է որպես Սերժ Սարգսյանի ու Ռոբերտ Քոչարյանի հայրենիք ու հավասարապես ատում, բայց մենք իրավունք չունենք թույլ տալու, որ այդպիսի վերաբերմունքը շարունակի գերիշխել», – ասաց ընդդիմադիր պատգամավորը։
Մանրամասները՝ տեսանյութում։
