07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Սահմանները կահավորման խնդիր ունեն. Թագուհի Թովմասյան․ ՏԵՍԱՆՅՈՒԹ
Քաղաքականություն
10.10.2022 | 11:31
Սահմանները կահավորանքի խնդիր ունեն. խորհրդարանական ճեպազրույցների ընթացքում ասաց անկախ պատգամավոր Թագուհի Թովմասյանը։
«Արցախն Ադրբեջանի կազմում ապագա չունի։ Այսօր խորհրդարանական ճեպազրույցների ժամին այս մասին հայտարարեց «Պատիվ ունեմ» խմբաիկցության պատգամավոր, ԱԺ մարդու իրավունքների պաշտպանության մշտական հանձնաժողովի նախագահ Թագուհի Թովմասյանը։
«Ադրբեջանի կազմում Արցախի պատկերացումը նշանակում է, որ մենք մեր հայրենակիցներին տանում ենք նոր ցեղասպանության։ Որևէ արցախցի չի կարող Ադրբեջանի կազմում ապրել ապահով, իր իրավունքների պաշտպանությամբ, և ուղղակի չի կարող ապրել»,- նշեց Թովմասյանը՝ հավելելով, որ ամեն ինչ պետք է անել դա թույլ չտալու համար։
«Աշխարհի համար պետք է լսելի դարձնել, որ եթե Կոսովոյի ինքնորոշման իրավունքը աշխարհի համար ընկալելի է, ինչո՞ւ պիտի Արցախինն ընկալելի չլինի»,- նշեց պատգամավորը։
Թովմասյանի դիտարկմամբ՝ զորակոչը Հայաստանում անցկացվում է մարդու իիրավունքների կոպիտ խախտումներով: Նրա խոսքով՝ այս մասին ահազանգեր են հնչել իր գլխավորած հանձնաժողով:
«Ծանուցումները ուղարկվում են և հաջորդ օրը ևեթ քաղաքացուց պահանջում են ներկայանալ: Մինչ այդ ծանուցվողը հնարավորություն չի ունենում անգամ բուժզննում անցնել կամ կարգավորել իր տարրական կենցաղային գործերը:
Այս գործընթացը պետք է անցկացվի մարդու իրավունքները չխախտելով և խիստ կազմակերպված»,- ասաց Թովմասյանը:
Թովմասյանն անդրադարձավ նաև սահմանների կահավորման խնդրին՝ շեշտելով, որ դրան պատշաճ ուշադրություն չի դրաձվում։
Նրա խոսքով՝ սահմանների կահավորանքի խնդիրը օր առաջ պետք է լուծել։ «Մեր հայրենիքի դարպասները փակ չեն, իշխանությունները տարբեր պատճառներ կարող են բերել, բայց գործ ունենք արդյունքի հետ, իսկ արդյունքը գոհացուցիչ կամ բավարար չէ»:
Մանրամասները՝ տեսանյութում:
