21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
«ՀԱՊԿ-ում գտնվելը ուղղակի սպառնալիք է Հայաստանի համար»․ լուռ բողոքի ակցիա Գյումրու ռուսական ռազմաբազայի դիմաց
Քաղաքականություն
09.10.2022 | 19:43
Այսօր Գյումրու 102-րդ ռազմաբազայի դիմաց տեղի ունեցավ լուռ բողոքի ակցիա ՝ ՀԱՊԿ-ից դուրս գալու պահանջով։ Հորդառատ անձրևի տակ տեղի ունեցող ակցիան ուղեկցվեց «ՀԱՊԿ-ում վտանգավոր է», «Կամ Հայաստան, կամ ՀԱՊԿ» և նմանատիպ կարգախոսներով։
«Հանուն հանրապետության» կուսակցության հիմնադիր Արման Բաբաջանյանի պարզաբանմամբ` այս նախաձեռնությունը կոչվում է «Դուրս ՀԱԿՊ-ից»։
«Մենք այստեղ ենք՝ Գյումրիի ռուսական 102-րդ ռազմաբազայի առջև, ընդհանրապես ռուսական ռազմական ներկայության և ՀԱՊԿ-ում անդամակցության դեմ բողոքի լուռ ակցիա իրականացնելու համար։
Մենք այստեղ տարբեր քաղաքական ուժեր ենք ներկայացնում, տարբեր քաղաքական հայացքներ ունենք, բայց մեզ միավորում է «Դուրս ՀԱՊԿ-ից» նախաձեռնությունը և այն նպատակները, որոնք դրվել են դրա հիմքում»,-ասաց Արման Բաբաջանյանը։
Արմիկ Մովսիսյան
