15.07.2026 | 15:21
Անձրև, քամու ուժգնացում․ առաջիկա օրերի եղանակային կանխատեսումներ
Հրդեհ Հրազդանում․ այրվել է մոտ 15 հա խոտածածկույթ
08.10.2022 | 17:48
Հոկտեմբերի 8-ին՝ ժամը 07:12-ին, Կոտայքի մարզային ճգնաժամային կառավարման կենտրոն ահազանգ է ստացվել, որ Հրազդան քաղաքի Կենտրոն թաղամասին հարակից սարում այրվում է խոտածածկ տարածք:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Ինչպես տեղեկացրին ՀՀ ԱԻՆ-ից՝ հրդեհը մեկուսացվել է ժամը 10։17-ին, մարվել՝ 10։50-ին։ Այրվել է մոտ 15 հա խոտածածկույթ։
Դեպքի վայրում ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ իրականացնում է հերթապահություն։
Հրդեհաշիջման աշխատանքներին մասնակցել են 18 հրշեջ-փրկարար և անտառտնտեսության 12 աշխատակից:
