01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Փաշինյան-Ալիև հանդիպման արդյունքները․ Ալիևը հաստատեց ոչ պաշտոնական շփումները Ստեփանակերտի հետ․ Լուրեր
Քաղաքականություն
07.10.2022 | 13:24
- Պրահայում երեկոյան կայացել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի քառակողմ հանդիպումը։ Այն որոշ ժամանակ ընդմիջվել և վերսկսվել է նույն կազմով։
- Հանդիպումից հետո հրապարակվել է հայտարարություն, որի համաձայն՝ Հայաստանն ու Ադրբեջանը հաստատեցին իրենց հանձնառությունը ՄԱԿ-ի կանոնադրությանը և 1991թ. Ալմա-Աթայի Հռչակագրին, որոնց միջոցով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը: Նրանք հաստատեցին, որ դա հիմք կհանդիսանա սահմանազատման հարցերով հանձնաժողովների աշխատանքների համար, և որ այդ հանձնաժողովների հաջորդ նիստը կկայանա Բրյուսելում, մինչև հոկտեմբերի վերջ:
- Հայաստանն իր համաձայնությունը հայտնեց՝ խրախուսելու ԵՄ քաղաքացիական առաքելությունը Ադրբեջանի հետ սահմանի երկայնքով: Ադրբեջանը համաձայնեց համագործակցել նշյալ առաքելության հետ այնքանով, որքանով որ առնչություն կունենա: Առաքելությունն իր աշխատանքները կսկսի հոկտեմբերին, առավելագույնը երկու ամիս ժամկետով: Առաքելության նպատակը կլինի վստահության կառուցումը, և իր զեկույցների միջոցով, սահմանային հանձնաժողովներին աջակցելը։
- Ալիևն էլ հանդիպումից հետո սպառնացել է Արցախի հայերին, որ եթե որևէ մեկը չի ուզում ապրել որպես Ադրբեջանի քաղաքացի, ապա ապրելու այլ վայր պետք է ընտրի։ Ալիևն ասել է, որ ոչ պաշտոնական շփումներ ունի Արցախի հայերի ներկայացուցիչների հետ, և այդ շփումները շարունակվելու են։
Այս ժամի լուրերը՝ տեսանյութում։
