Ամեն ջանք պետք է ներդնենք խաղաղության հասնելու, որը կապահովի անվտանգություն․ ՀՀ ՄԻՊ․ ՏԵՍԱՆՅՈՒԹ

Ադրբեջանական գերությունից վերադարձած 16 զինծառայողների հետ երեկ առանձին հանդիպումներ ենք անցկացրել։ Հոսպիտալում գտնվող մի զինծառայողի հետ հանդիպումը կկայանա այսօր։ Այս մասին այսօր կայացած ասուլիսում հայտնեց ՀՀ մարդու իրավունքների պաշտպան Քրիստինե Գրիգորյանը։

«Մենք առանձին զեկույց կունենանք, որի միջոցով կարձանագրենք այն փաստական տվյալները, որոնք հայտնել են տղաները։ Այդ հարցազրույցներով մենք վեր ենք հանել փաստեր խոշտանգումների, վատ վերաբերմունքի, նվաստացումների վերաբերյալ»,- նշեց Գրիգորյանը` հավելելով, որ խոշտանգումների մասին հայտնել են գրեթե բոլոր գերիները։

Նրա խոսքով` 2020-ի 44-օրյա պատերազմից հետո հայրենիք վերադարձած գերիների հետ նույնպես առանձնազրույց էին ունեցել և առանձին զեկույց են հրապարակել։ Գրիգորյանը նշեց, որ ադրբեջանական կողմի ձեռագիրը չի փոխվել։

«Երբ խոսում ենք նման բարբարոսությունների, մարդու իրավունքների նման լայնածավալ խախտումների մասին, սրանք փաստեր են, որոնք պետք է ընկած լինեն խաղաղության բանակցությունների սեղանի վրա։ Ես, որպես ՄԻՊ, չեմ համարում, որ պետք է խոսենք պատերազմից և ասենք, որ չենք ուզում խաղաղություն։ Տարբեր համայնքներում իմ հանդիպումների ժամանակ մեզ հանդիպած մարդիկ առաջին հերթին նշում են՝ մենք ուզում ենք խաղաղություն, որը կերաշխավորի անվտանգությունը։

Զինվել և հարձակվելն ամենակործանարար միտքն է, մենք պետք է ջանքեր գործադրենք խաղաղության հասնելու համար, որը կապահովի անվտանգությունը։

Մանրամասները՝ տեսանյութում։