07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Դատական համակարգի ամենամեծ խոցը հիմա համատարած ուշացումներն են․ Կարեն Անդրեասյան. ՏԵՍԱՆՅՈՒԹ
Հասարակություն
06.10.2022 | 13:24
«Եթե 2013 թվականին դատական համակարգի ամենամեծ խոցը համատարած կաշառակերությունն էր, հիմա համատարած ուշացումներն են: Այս մասին ԱԺ-ում, պատասխանելով պատգամավորների հարցերին, նշեց ԲԴԽ անդամի թեկնածու Կարեն Անդրեասյանը՝ անդրադառնալով դատական ոլորտում առկա խնդիրներին․
«Եթե կաշառակերության համար կարելի էր մեղադրել հատկապես դատավորներին, հիմա այս խոցի համար չես կարող մեղադրել հատկապես դատավորներին: Շատ հաճախ դատավորներն էլ են այս խոցի համար զոհ: Դատավորներն այնպիսի խայտառակ ծանրաբեռնվածությամբ են աշխատում, որ շատ հաճախ իսկապես օբյեկտիվ են նրանց ուշացումները»,- նշեց ԲԴԽ անդամի թեկնածուն ։
Անդրեասյանը հավելեց, որ պետք է տարբերակել, թե որն է գերծանրաբեռնվածությունից բխած ուշացումը, և որը՝ սուբյեկտիվիզմից բխած կամ կոռուպցիոն բնույթի ուշացում:
«Լինում են առանձին դեպքեր, երբ դատական համակարգում դեռ կան մարդիկ, որոնք, իրենց շահագրգռվածություններից ելնելով կարող են առաջ գցել ինչ-որ մեկի գործ կամ դիտավորյալ ձգձգել այն, ինչը կարող էին չձգձգել»,- նշեց ԲԴԽ անդամի թեկնածուն:
Մանրամասները՝ տեսանյութում։
