22.11.2024 | 16:11
Բրիտանացի կրիպտոարժույթի մայների ընկերուհին աղբամանն է նետել 750 միլիոն դոլար արժողությամբ կոշտ սկավառակը
Բնակֆոնդի մաշվածությունը զգալիորեն մեծացել է․ 3-րդ և 4-րդ կարգի մաշվածություն ունեցող 600 շենք կա․ ՏԵՍԱՆՅՈՒԹ
Տնտեսություն
04.10.2022 | 11:48
«Քաղաքաշինության մասին օրենքում լրացում կատարելու մասին օրենք»-ի նախագծի նպատակն է անբավարար տեխնիկական վիճակում գտնվող բնակֆոնդի հիմնախնդիրների կանոնակարգման պետական քաղաքականությունը սահմանելու մասին ՀՀ կառավարության համար լիազորող նորմերի սահմանումն է: Ազգային ժողովում ներկայացնելով նախագիծը՝ այս մասին նշեց ՀՀ քաղաքաշինության կոմիտեի նախագահ Արմեն Ղուլարյանը։
Ղուլարյանի խսքով՝ հետխորհրդային տարիներին բնակֆոնդի անվտանգ շահագործման ուղղությամբ համակարգված լայնածավալ աշխատանքներ չեն իրականացվել։
«Բազմաբնակարան շենքերի սեփականատերերի կողմից ևս պարտադիր նորմերը չեն կատարվել անհրաժեշտ ծավալով և որակով։ Խնդիրների լուծումն ավելի շուտ կրել է իրավիճակային բնույթ։ Դրա հետևանքով՝ զգալիորեն մեծացել է բնակֆոնդի մաշվածությունը։
Մասնավորապես՝ մարզերից և Երևան քաղաքից հավաքագրված տվյալների համաձայն՝ Հանրապետությունում առկա է անբավարար տեխնիկական վիճակում գտնվող՝ 3-րդ և 4-րդ աստիճանի վնասվածություն ունեցող ավելի քան 600 բազմաբնակարան շենք: Այսինքն՝ առկա տվյալների համաձայն՝ անբավարար տեխնիկական վիճակում է գտնվում Հանրապետության մոտ 19 հազար բազմաբնակարան շենքերի 3,2 տոկոսը։
Հանրապետության բնակավայրերում առկա է նաև քանդման ենթակա վթարային՝ 4-րդ աստիճանի վնասվածություն ունեցող ավելի քան 1200 անհատական բնակելի տուն, որից մոտ 1000-ը՝ բնական աղետների հետևանքով)»,- նշեց Ղուլարյանը։
Հայեցակարգի հիմնական նպատակն անբավարար տեխնիկական վիճակում գտնվող բնակֆոնդի հիմնախնդրի կանոնակարգման համար 2021-2023 թվականների ընթացքում իրավական հիմքերի ստեղծումն է՝ հայեցակարգից բխող միջոցառումների ծրագրում ներառված իրավական ակտերի մշակման միջոցով, հիմնախնդրի կանոնակարգման համար լուծումների առաջադրումը, պետական քաղաքականության հիմնական մոտեցումների հստակեցումը և այդ մոտեցումների արդյունավետությունը, հասցեականությունը, առաջնահերթությունների ապահովումը:
Նախագծի ընդունմամբ ակնկալվում է անբավարար տեխնիկական վիճակում գտնվող (ուժեղացման և վերակառուցման՝ 3-րդ աստիճանի վնասվածություն ունեցող և քանդման ենթակա վթարային՝ 4-րդ աստիճանի վնասվածություն ունեցող) բնակֆոնդի հիմնախնդրի կանոնակարգման նպատակով սահմանել լիազորող նորմեր Կառավարության համար:
Մանրամասները՝ տեսանյութում։
