Հիմա տեղի է ունենում անկախության հաստատման գործընթաց․ այո՛, կան ռիսկեր․ Փաշինյան. ՏԵՍԱՆՅՈւԹ

Ի՞նչ է սպասվում Հայաստանի և Արցախի քաղաքացիներին, Հանրային հեռուստաընկերության եթերում ՀՀ վարչապետ Նիկոլ Փաշինյանն անդրադառնալով այս հարցին, պատասխանեց․ «Շատ կարևոր է, որ ֆիքսենք, թե ինչ է տեղի ունենում: Գուցե թե մեր ամենամեծ խնդիրը եղել է այն, այդ թվում իմ ամենամեծ սխալը եղել է այն, որ մենք չենք ձևակերպել, թե սա ինչ պատմություն է:

Մարդիկ կան, որ ասում են՝ սա Հայաստանի անկախության, ինքնիշխանության հաստատման գործընթաց և դա իսկապես այդպես է: Մենք այդ պրոցեսի մեջ ենք, որը պետք է տանենք: Մենք պետք է ամուր լինենք և այս ճանապարհը անցնեք: Պետության հաստատման, պետության հարատևության երաշխավորման գործընթաց է և այո, այստեղ կան ռիսկեր մեզ համար:

Մենք պետք է վճռական լինենք այս գործընթացը մինչև վերջ տանելու համար: Երբ ասում եմ՝ ցավոտ որոշումներ, անկախության հաստաըումն ինքը ցավոտ որոշում է: Ինչո՞ւ է թվում, որ ցավոտ որոշում է միայն այն, ինչի արդյունքում վատ բան է ստացվում: Ոչ, երեխայի ծնունդը ցավոտ գործընթաց է, բայց դրա արդյունքում տեղի է ունենում ծնունդ: Մենք հիմա մեր պետության անկախության, ինքնիշխանության հարցն ենք փորձում լուծել: Սա չի նշանակում, որ մենք մինչև հիմա չենք եղել անկախ պետություն, բայց կա անկախության ինքնիշխանության քաղաքական, տնտեսական, ռազմական, սոցիալ-հոգեբանական հարթություններ, և ոչ բոլոր հարթություներն են լրացված եղել, և այսօր էլ լրացված չեն: Մենք այդ ճեղքերի հետ ենք այսօր առերեսվում»:

«Հայաստանի երրորդ Հանրապետությունը հռչակվել է մի պայմաններում, հետո շատ արագ այդ պայմաններից հրաժարակում է տեղի ունեցել, որի մասին չի հայտարարվել, չի արձանագրվել,  և որի պատճառով ճեղք է առաջացել իրականության ու տեսության միջև։ Հիմա  այդ ճեղքը պետք է լրացնել․․․

Համաշխարհային փոթորիիկ է․․․ Չմոլովելու համար մենք մեր նպատակը պետք է ճիշտ ֆիքսենք: Այդ նպատակը Հայաստանի պետությունն է, անկախությունը, ինքնիշխանությունը, տարածքային ամբողջականությունը: Հայաստանը պետք է շատ կոնկրետ լինի, որպեսզի իր տարածքային ամբողջականությունը հնարավոր լինի պաշտպանել: Եթե ինքն ամորֆ է, չգիտես՝ որտեղ է սկսվում, որտեղ է ավարտվում, իր տարածքային ամբողջականությունը հնարավոր չէ պաշտպանել: Այո, մենք անկախության գործընթացի մեջ ենք, որն իր մեջ ռիսկեր ունի»,- ընդգծեց վարչապետը:

Մանրամասն՝ տեսանյութում։