16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Փաշինյանը՝ Հնդկաստանից զենք ձեռք բերելու մասին. ՏԵՍԱՆՅՈւԹ
Քաղաքականություն
30.09.2022 | 21:49
Այսօր Հանրային հեռուստաընկերությանը տված հարցազրույցում վարչապետ Նիկոլ Փաշինյանն անդրադարձավ Հնդկաստանից զենք գնելու մասին շրջանառվող տեղեկություններին։
«Սպառազինության և ռազմական տեխնիկայի գնման թեման այն թեման չէ, որը ես կուզենայի հրապարակային քննարկել, բայց պիտի ասեմ, որ այդ հրապարակումները, որոնք եղել են հնդկական մամուլում, Հայաստանի Հանրապետության կողմից չեն հերքվել, և որևէ լրացուցիչ բան այս պահին չեմ կարող ասել, չեմ ուզենա ասել», – նշեց Փաշինյանը՝ Հնդկաստանից զենք ձեռք բերելու մասին մամուլի հրապարակումների առնչությամբ։
Փաշինյանը նաև վստահեցրեց, որ ակտիվ քայլեր են ձեռնարկվում ռազմատեխնիկական ոլորտում Հայաստանի համագործակցության շրջանակն ընդլայնելու համար։
«Մենք այդ ուղղությամբ շատ ակտիվ և ինտենսիվ քայլեր ենք ձեռնարկում։ Դա հեշտ գործ չէ», – հավելեց Փաշինյանը։
«Մարդիկ կան, որ հարցազրույցներ են տալիս, ասում են՝ մենք սա արեցինք, այն արեցինք, ես կուզեի, որ մենք մետաղի ջարդոնի ներկրումը չշփոթենք սպառազինության և ռազմական տեխնիկայի ներկրման հետ: 60-ականների, 80-ականների զենքերի ներկրումը սպառազինության և ռազմական տեխնիկայի ներկրման հետ պետք չէ շփոթել»,- ասաց վարչապետը:
Մանրամասն՝ տեսանյութում։
