02.11.2026 | 15:48
Իրանը հայտարարել է, որ պատրաստ է երկու օրվա ընթացքում վերաբացել Հորմուզի նեղուցը, եթե ԱՄՆ-ը համաձայնի իր պայմաններին
Սահմանին լարվածությունը պահպանվում է․ նոր սադրանքը չի բացառվում․ Փաշինյան. ՏԵՍԱՆՅՈւԹ
Քաղաքականություն
30.09.2022 | 20:13
Իրավիճակը հայ-ադրբեջանական սահմանին լարված է ու այդ լարվածությունը այս պահի դրությամբ՝ կայուն պահպանվում է։ Այս մասին Հանրային հեռուստաընկերության եթերում հայտարարեց ՀՀ վարչապետ Նիկոլ Փաշինյանը:
Վարչապետը չբացառեց Ադրբեջանի կողմից նոր սադրանքները:
Փաշինյանի դիտարկմամբ՝ Ադրբեջանն այս ժամանակահատվածում ագրեսիա սկսեց, քանի որ միջազգային հանրության ողջ ուշադրությունը սևեռված է Ուկրաինայի դեպքերի վրա:
«Հատկանշական է 44-օրյա պատերազմի ժամանակաշրջանի ընտրությունը՝ քովիդի շրջանն էր, երբ ամբողջ միջազգային հանրությունը կենտրոնացած էր համավարակի, դրանից բխող ներքին խնդիրների վրա: Հիմա էլ նույն իրավիճակն է ամբողջ աշխարհում, որովհետև Ուկրաինայի շուրջ տեղի ունեցող իրավիճակի բերումով նաև երկրներն առաջիկա ձմռան նախապատրաստության առումով կենտրոնացած են այդ խնդիրների վրա: Գուցե էներգետիկ բաղադրիչի կարևորության ավելացումն ունի որոշակի դերակատարում, որ Ադրբեջանի դիրքորոշումները դարձնում են ավելի ագրեսիվ»,- նշեց վարչապետը:
Մանրամասն՝ տեսանյութում։
